去年賣特色戶勁賺873萬 王祖藍低位出擊 再掃2千萬豪宅

近年在內地發展的藝人王祖藍賺到盆滿缽滿，主力投資磚頭錢搵錢，上月底便豪擲逾2,000萬元購入大埔海日灣3房單位，掃豪宅眼都唔眨，豪氣過姜濤！

現年43歲的王祖藍賺人仔賺到笑，北上拍戲、演出綜藝及直播帶貨等工作接唔停。向來投資有道的他專注在港投資物業，上月底又再出手，斥資2,047.1萬元一手購入大埔白石角海日灣一個3房單位，實用呎價為15,030元，今次是他沽出之前的白石角物業後，相隔3個月再度入市。據資料顯示，該單位為海日灣一座中層B室，實用面積1,362方呎，登記買家姓名是王祖藍（Wong Cho Lam），與藝人王祖藍的中英文名相同，故相信是同一人。

專攻大埔白石角

祖藍向來鍾情大埔白石角區域的豪宅，2015年曾以老婆李亞男的名義，豪擲1.1億元購入逸瓏灣II頂層一個特色戶；翌年他再斥資3,706.9萬元增購同屋苑低層一個連花園特色戶，至去年9月以4,580萬元沽出，帳面勁賺873萬元。今次祖藍再掃磚頭，比MIRROR人氣王姜濤斥1,800萬元買西環海景戶更豪氣！

業界指祖藍在去年高位「出貨」，再趁樓市稍為回軟時入市，以呎價15,000元左右來說算是抵買，行內人認為他的操作手法十分高明。