又爆新醜聞！ 保錡疑約女「開餐」 193：佢心情複雜

網上瘋傳疑似男團ERROR成員保錡想約女「食嘢」的聲帶，又有疑似他用字猥瑣評論女性胸部的截圖！隊友193坦言對保錡的感情生活愛莫能助，指對方心情複雜，隨時壓力爆煲。

男團ERROR成員保錡被歌手韓子亮大爆是「香港版吳亦凡」的渣男，前晚有自稱Anissa的女子在社交網怒插保錡以同樣對話挑逗她和其好友，更上載聲稱是保錡和好友的語音對話：「我好鍾意食嘢，互相食嘢都好緊要。」女方以大埔太遠為由婉拒，男聲則說：「你想喺邊度食？最啱係食咩？你搭的士過嚟大埔咪得囉！好快之嘛！要搵個地方，兩個人共處一室、談吓心咁，好唔好先？」Anissa又展示早年與保錡的對話截圖：「對波有啲嘢，你幾時畀我見吓入面嘅嘢，要治療吓。」她回覆：「咁都有嘢？忽大咗你個腦！」

郭奕芯曾被男友打

保錡連日來「潛水」不作回應，昨日其隊友193（郭嘉駿）與女星郭奕芯為ViuTV錄影《晚吹-戀講嘢》，對於保錡醜聞纏身，193坦言有慰問對方：「我哋幾個有個Group傾閒偈，佢依家心情都複雜，突然咁多嘢。（佢會崩潰？）都驚佢會，所以唔畀太大壓力佢，希望件事快啲丟淡，幫唔到佢回應感情問題，佢平時食開沙律（張沛樂）之嘛。」提到他跟Dee姐（陳海寧）的緋聞，他笑言是普通朋友，但不抗拒扮情侶吸金。而郭奕芯自爆試過男友出軌，更被醉酒男友打。已3年沒拍拖的她喜歡高大男士，問到193是否她的對象？她笑言：「佢高得滯，好驚畀佢啲『老婆』（粉絲）打。」

另外，沙律昨日受訪時拒回應男友醜聞：「唔講，我忙緊工作。」不過她在社交網上載一對穿情侶裝的公仔相，並標籤男友名字，寫上「七夕快樂」，用行動力撐保錡。