口罩小姐︱「秋香」林靜莉大帽山上玩煙花被網民批違法加不負責任 凌晨公開道歉

口罩小姐︱「秋香」林靜莉大帽山上玩煙花被網民批違法加不負責任 凌晨公開道歉
口罩小姐︱「秋香」林靜莉大帽山上玩煙花被網民批違法加不負責任 凌晨公開道歉

《尾二一屆口罩小姐選舉》已釋出16強名單,不乏秋香、Triple May、包大人等大熱門人選,當中網民發現秋香原來就係1979年香港小姐季軍鍾慧冰個女,又係「大姐明」林建明契女林靜莉(Jeannie莉莉菇);佢曾經主持香港開電視《一線搜查》、《30分鐘大放餸》、《細路開電視》等節目,仲參與過ViuTV戀愛真人騷《阿女又戀嚟》,人氣有返咁上下。噚日(1日),林靜莉一張山上玩煙花照就惹起爭議,最後於9月2日凌晨時分道歉認錯。

林靜莉日前PO出一張身穿長裙玩煙花照片並寫道:「第一次玩仙女棒,嚇死我。」原本照片背景昏暗睇唔到個環境喺邊,但林靜莉標註拍攝場地為大帽山,令網民大批佢有機會造成燒山事件,亦指出根據香港法律,未領有許可証燃放或致使他人燃放煙花爆竹屬違法,認為林靜莉已觸犯法例,又直斥佢不負責任,覺得到時真係出意外的話,要用好多人力物力救山火,又害到消防員同野生動物條命。不過,都有一班網民持相反意見,反鬧對方:「香港真係好多正義魔人」、「咁你報咗警未?」、「唔明有咩問題」等等。林靜莉事後將其照片刪去;至凌晨時分,林靜莉發IG限時動態道歉。

林靜莉於IG限時動態PO出一張銀行轉帳記錄,入帳戶口名稱為OUTDOOR WILDLIFE LEARNING HONG KONG LTD (Wildlife)香港戶外生態教育協會,金額是港幣1,000元;而入帳日期為9月2日凌晨2時05分。林靜莉並主動認錯,寫道:「因為我既無知,第一次接觸仙女棒,無足夠認識同知識,忽略咗咁樣做或會對生態環境造成好大破壞,真係對不起。以後我一定會好好重視同保護生態環境!唔會再犯這樣錯誤並多謝大家既提醒!」

此PO已被刪除
此PO已被刪除
林靜莉(Jeannie莉莉菇)
林靜莉(Jeannie莉莉菇)
《尾二一屆口罩小姐選舉》秋香
《尾二一屆口罩小姐選舉》秋香
《尾二一屆口罩小姐選舉》秋香
《尾二一屆口罩小姐選舉》秋香
林靜莉(Jeannie莉莉菇)
林靜莉(Jeannie莉莉菇)
林靜莉(Jeannie莉莉菇)
林靜莉(Jeannie莉莉菇)
林靜莉(Jeannie莉莉菇)
林靜莉(Jeannie莉莉菇)
林靜莉(Jeannie莉莉菇)
林靜莉(Jeannie莉莉菇)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!