叱咤記者會︳鏡粉露宿昂坪2晚等見MIRROR 姜濤叮囑︰不舒服不要硬撐

MIRROR
MIRROR

今年商台《叱咤樂壇流行榜頒獎禮》再次喺昂坪市集舉行記者會,據知男團MIRROR大部份成員都會現身,係7月演唱會事故首次稍為齊人出席活動。

舊年記者會同樣有MIRROR撐場,一眾鏡粉活動前通宵喺山上霸位,遇著天氣驟變氣溫下降又橫風橫雨,唔少現場紮營FANS都十分狼狽,亦令一眾鏡仔擔心fans人身安全。

MIRROR
MIRROR

今年記者會前夕,繼續有鏡粉通宵霸位,尋晚已經有大約100人聚集,有人甚至活動前2日已經「上山」。汲取舊年經驗,各方都做好準備,有fans喺東涌book酒店房,幾個fans輪流落山梳洗休息;現場有水及乾糧俾fans取用,部份餐廳亦特意開夜啲,等fans夜少少都有飯開。尋晚昂坪氣溫介乎18-20度,而且冇雨落,相信fans都頂得順。

叱咤記者會︳鏡粉露宿昂坪2晚等見MIRROR 姜濤叮囑︰不舒服不要硬撐
叱咤記者會︳鏡粉露宿昂坪2晚等見MIRROR 姜濤叮囑︰不舒服不要硬撐

MIRROR成員姜濤喺ig story發動態俾fans,呼籲佢地要照顧自己,仲話「不舒服不要硬撐」,相信現場fans個個都睇到心心眼。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!