叱咤︱So Ching否認退團 希望大家繼續為阿Mo祈禱

女圑COLLAR成員So Ching自舞者男友阿Mo於去年7月底在MIRROR演唱會上受重傷後，一直專心照顧男友未有參與幕前工作，曾惹來退圑的揣測。So Ching今晚終於現身「叱咤樂壇頒獎禮」上，8位COLLAR成員相隔5個月終於合體，一眾成員穿上白色露腰隊服，手拖手站在台上向現場觀眾揮手，其中久未公開露面的So Ching滿面笑容，而站在芯齡及Winka中間的So Ching被拖到實一實。當全體出席歌手登場後，COLLAR率先打響頭炮，8女齊又唱又跳圑歌《Call Me Name！》，企在C位的So Ching雖然「休息」數月，但狀態回勇，舞姿沒有生疏，相當合拍。

「生力軍組合」和「組合銅獎」由COLLAR奪得，成員Gao台上致感謝詞，她和芯駖表現激動哭了出來。在旁的So Ching全程默不作聲，只偶爾報以微笑和拍手來為團隊打氣。表演時So Ching發揮水準，當她Solo部份獻唱時，現場觀眾表現最為熱烈，報以歡呼聲以示對她的支持。

COLLAR得獎後受訪，但成員Day因為見暈又嘔所以先行離開，留下7個成員會見傳媒，她們表示正式宣布全面復出，得獎一刻有成員忍不住落淚，她們說：「成件事好感動，好耐冇一齊，多謝大家嘅支持，頭先我哋冇用耳機，所以聽到好真實反應。」她們透露在本月12日是COLLAR成立一周年活動，她們會推出新歌及產品，今年亦有好多計劃。

So Ching全程面帶笑容，像沒事人一樣，她否認有退團想法，並指完全冇考慮過，談到仍在醫院留醫的男朋友阿Mo，她說：「佢嘅情況好似代禱信咁咁愈嚟愈好，我哋可以用語音功能溝通，佢情況偏向穩定，新年願望得一個，希望大家繼續為男朋友祈禱，我同男朋友都有共識，（佢支持你復出？）支持，佢好開心見到我活躍番，係佢康復和治療上好大嘅動力，所以我哋覺得我要起碼有番自己嘅工作，（男友講啲乜鼓勵你說話？）兩個人對話唔係記得咁清楚，但好sweet。（公司畀乜Back up佢？）呢方面我唔方便回應，問番有關方面。」