史上最豪抽獎 2蚊美金換人生豪華體驗

兩蚊美金究竟可以做到乜嘢?好多人會話兩蚊美金咖啡都未必買到,所以如果有人話俾你聽,兩蚊美金可以搭一程私人飛機,品嚐到米芝蓮星級餐廳嘅18道菜晚餐, 仲可以入住統套房同一萬枝玫瑰,可能你會覺得九成九係騙局,不過最近有間珠寶零售公司就真係將呢個好多人嘅美夢化為現實。

其實以上所講嘅所有服務,都係源自一個結婚提案套餐,而珠寶零售商V Diamonds 創始人Ville Oehman係2017年10月以200萬美元價格購入咗呢一系列嘅服務,然後佢決定將呢一個更豪華又浪漫嘅套餐作為一個抽奬嘅禮物 ,希望可以令到一啲條件冇咁好嘅人都有機會享用得到。當然呢個同時亦都係一個市場競爭策略啦。

奬品方面真係無花無假,首先可以乘搭私人飛機前往新加坡,航行途中會提供珍藏嘅紅酒同埋兩對(價值34,000美元)鑽石嘅筷子作為禮物。之後就品嘗由Jaan烹飪主管,英國廚師Kirk Westaway準備嘅米芝蓮18道菜晚餐。然後梗係入住五星級酒店嘅總統套房,得奬者仲可以選擇想入住Fairmont定係瑞士酒店The Stamford。最後話明係一個結婚提案,當然唔少得一萬枝玫瑰啦。

呢個比賽係推出預告片之後已經喺網上引來熱話,如果大家有興趣都不妨報名參加。比賽可以通過www.thejaneseymour.com進入。比賽得獎者將於2018年公佈。

一生人有幾可搭一次私人飛機。

有10,000支玫瑰相信冇乜邊個女士可以抗拒得到。

幸運嘅得奬者仲可以乘搭豪華遊艇制定一個自己想去嘅行程。

all pics from World of Diamonds

相關文章

同親戚去旅行係一種壓力 好多人出發前後都會病

有種人去旅行唔鐘意行景點或買衫 每日最期待的行程:行超市

遊輪之旅要識揀 四大準則你要知

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!