同無綫提早解約 林師傑爆新約得1年萬2蚊收入

林師傑正式回復自由身!
林師傑正式回復自由身!

藝人林師傑早前被指受到老婆歐陽巧瑩政見所累遭無綫冷待,被投閒置散,並已同無綫提早解約。今日佢喺社交網發文正式宣布回復自由身:「多謝大家關心,今日終於正式結束同TVB+星夢嘅賓主關係!」並憶述加入公司11年來一直出歌無期,大感心灰意冷。

林師傑社交網
林師傑社交網
林師傑社交網
林師傑社交網

佢又指與公司傾新約上未能達成共識,故決定離巢,將以獨立歌手身份發展:「舊公司向我提出轉簽6 show合約,即意思一年保證有萬二蚊收入,雖然連一個月租金都不夠,但確實有如上天恩賜,我萬二分感激!我今年三十二 有家室,請問如何接受呢份恩賜呢?十一年前參加比賽立志做歌手,十一年後重新出發做獨立歌手,會遲嗎?要老婆陪我一齊捱窮,辛苦你了!」

而歐陽巧瑩亦有發文支持老公,意有所指表示:「由我離開TVB至今,無論私下定公開,一句不是都冇講過,因為我真係唔想再同佢有關係。但今日我想講一句,多謝放生我老公。不過請收返起你哋嘅恩賜,我哋會過得好好!」