名正言順!南冰洋正式成為世界第五大洋
講起世界上嘅海洋,大家好可能都數得出大西洋、太平洋、印度洋、北冰洋,至於南冰洋一直以來都存有爭議,不過日前「美國國家地理學會」就於世界海洋日當日宣佈南冰洋(Southern Ocean)正式成為第五大洋!
南冰洋環繞南極洲,當中有一股洋流比一般海洋更冷、鹽度更高,而呢股洋流更已經有3,400萬年歷史,由於生態獨特因而孕育出唔少獨特生物。美國國家地理學會形容南冰洋「非常獨特,冰川更藍、空氣更冷」。其實全球有唔少科學家都為南冰洋「正名」付出唔少時間及努力,早於2000年學會已經有咨詢過正名事宜,不過當時仍存有唔少爭議。今次正名另有一層深意,因為隨住氣候變化,南冰洋每年溫度都上升,所以希望透過正命而引起大家保育嘅意識呢。
全新Yahoo APP日日有獎,隨時抽中DON DON DONKI $1000現金券、Häagen-Dazs™ 現金券、天仁茗茶現金券以及高達1000YPoints,立即下載!
相關文章: