吳浩康開心到彈起 郭思琳捱痛17小時誕巨B

吳浩康跟太太郭思琳的愛情結晶品出世了，重量級囝囝有8磅11安士。一直想自然分娩的思琳，最終都要選擇開刀，期間折騰了十多個鐘頭。

吳浩康（Deep）昨日透過公司報喜，太太郭思琳於本月14日誕子，並發放初生囝囝的照片，見他分量十足，原來出世時重達8磅11，思琳在社交網分享：「呢十個月以嚟唔知幻想咗幾多次你係點嘅樣，一直知你係大碼B，只係估唔到有分量成咁，亦估唔到自己肚仔可以佗到個8磅11嘅BB，怪唔知催生咗17個鐘你都唔肯出嚟啦！」

Deep透露囝囝未改名，會交由他爸爸去研究，不過太太就幫他起了個乳名叫「撐撐」，他指太太原本一直想順產，無奈最終還是改變計劃：「醫生建議落催生藥，落咗催生藥後太太會不時陣痛，有時仲係幾犀利，太太一路承受住痛楚，但子宮頸都係未ready好，醫生話人哋有一至十度，我太太係一度都冇，太太內心失望之餘仲好擔心。」思琳足足經歷了17小時痛楚，最終都要開刀，他說：「我都有剪臍帶。」當Deep到達醫院時，姑娘第一句就跟他說：「其實你太太真係好忍得痛，可以頂咗咁多個鐘。」所以他真的好佩服太太：「好多謝佢，一啲都唔簡單，希望我可以繼續好好配合佢嘅生活。」

新手父母盡力去學

思琳坦言生B過程令她痛不欲生，然而當看見囝囝平安出世，Deep初聞BB喊聲開心到彈起的模樣，一切痛楚頓變得微不足道，思琳又向BB發表愛的訓話：「爸爸媽媽第一次為人父母，好多嘢都冇經驗，但我哋盡量去學、去做，畀所有嘅愛同耐心陪伴你長大，希望撐撐你有一個開心嘅童年。」