周國賢倫敦個唱取消一場 網民順手出post力數難頂原因

唔少人飛咗去英國生活,亦因此有唔少歌手將會去英國開show,3月底周國賢本來安排喺英國舉行3場個唱,但係喺倫敦O2 Forum Kentish Town舉行嘅第二場,場地網頁列出演出已經取消嘅通知。而香港嘅協助單位就喺facebook出post指「已經購票的觀眾可以選擇免費轉換場次至 3月29號於O2 Shepherd's Bush Empire 的演唱會, 或者得到全額退款」。

周國賢
周國賢
周國賢
周國賢
周國賢
周國賢

另一方面,向來有唔少樂迷支持嘅Endy,近日居然被網民開post力數幾宗罪,包括鬧佢唱歌難聽,又認為佢曾經傳出有婚外情,去年演唱會後更直認已經離婚,好爸爸形象蕩然無存;最好笑係批評「40幾歲人作d歌唱d歌又中二病」、「成日喺演唱會懶感性」等。

周國賢
周國賢

有網民和議之餘,認為周國賢作曲作品好聽,但唱功未夠,建議做返幕後。亦有人提返起,上年個唱要求周國賢唱兒歌《黃金入球》,周表現得扭扭擰擰極不討好。

周國賢
周國賢

周國賢曾經被稱為「連登聖人」,2019年更贏得樂迷投票選出嘅「叱咤樂壇我最喜愛的男歌手」,今次罕有被人出post負評,唔知背後有冇原因呢?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!