周家怡生日船P 關智斌逼滑水

周家怡獲老闆楊受成幫她開生日船P,仲有乳豬造型蛋糕添!
周家怡獲老闆楊受成幫她開生日船P,仲有乳豬造型蛋糕添!

女星周家怡上星期生日,獲老闆楊受成幫她舉行生日船P,跟同門關智斌(Kenny)、衛詩雅、陳國邦、曾樂彤、李靖筠等為新快艇作「下水禮」,老闆又為她準備乳豬造型蛋糕,壽星女說:「好開心喺英皇呢個大家庭,之前佢哋同老闆表達咗鍾意wakesurf,老闆即刻去買咗隻專業比賽用嘅快艇畀我哋玩,真係好感動。」

Kenny在一眾藝人當中技術最強,更充當教練做指導:「佢哋都好有天分,特別係詩雅做埋助教。」詩雅之後更負責揸船,因為得她有船牌。家怡因為不停跌落水,令她甚有挫敗感,Kenny笑說:「佢最初有堅持,後來想放棄,我哋唔肯畀佢上水,喺我哋強迫下終於完成咗呢件事,佢都話好開心冇遺憾咁上番架船。」

關智斌即場騷Quali!
關智斌即場騷Quali!