周柏豪PO爆肌照惹熱議 網民質疑：陰影打得太貪心

周柏豪近年主力喺內地發展，先後憑《聲生不息》、《披荆斬棘》第二季及《大灣仔的夜2》等綜藝節目獲得內地網民關注。雖然工作忙碌，不過身在內地嘅周柏豪亦有睇世界盃，日前佢仲興奮到上載爆肌照片，不過就有網民質疑佢嘅腹肌唔係真，只係靠打陰影。

現專注北上發展嘅周柏豪，頻頻喺小紅書及微博出PO同內地網民互動，日前佢就喺微博留言話：「最近每天都看世界杯，太亢奮了，但是晚上看球賽，日間又要工作，睡眠嚴重不足，今天天氣有點冷，所以工作時候我要求了多穿一件襯衣。#一起看球請就位##足够熱愛# ​​​」，並上載三張爆肌照片，相片中嘅周柏豪擺出cool爆表情，未有扣好恤衫，露出誘人嘅胸肌及腹肌。

唔少內地網民睇完爆肌照片，紛紛留言大讚佢有型及靚仔，不過亦有網民質疑佢嘅腹肌唔係真，只係靠打陰影，例如「怎麼感覺像p上去的」、「這腹肌像假的」、「這是真的腹肌嗎？」、「這肌肉不真實到以為是畫的」、「畫的吧」、「陰影打得太貪心，太假了」、「靠化妝加強效果吧，明明在節目看見不是這樣﹗」及「以為女明星才打陰影，男明星也迷打陰影」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！