唐詩詠冇諗攞獎 有錢另計 馬國明望破天荒3人稱帝

馬國明昨日宣傳新劇時，直言希望與拍檔郭晉安、陳豪破天荒3人稱視帝，而唐詩詠笑言沒想過再做視后，但若有獎金會更加積極。

郭晉安、胡定欣、馬國明、唐詩詠、陳豪與張曦雯等，昨日在銅鑼灣宣傳無綫劇《白色強人Ⅱ》，期間陳豪指導其他演員沖咖啡。

提到今年無綫台慶劇有馬國明的《法言人》與詩詠的《超能使者》，加上重頭劇《白Ⅱ》加持，2人被睇好當視帝視后，馬國明坦言仍未知《法》劇是否台慶劇：「每套劇嘅演員都係對手，同劇嘅安仔、陳豪都係勁敵。」他直言比起做視帝，更希望《白Ⅱ》贏得「最佳劇集」，因他們在疫情下拍攝，全靠台前幕後合力完成。問到若視帝與「最佳劇集」也包攬，會否結婚慶祝？他笑言：「攞晒兩個就真係滿足，如果攞晒所有獎，再中埋六合彩頭獎，到時再答你哋。」

而詩詠表示希望《白Ⅱ》由新人獎贏到視帝，馬國明即笑言：「希望今年破天荒有3個視帝。」問詩詠可有信心再做視后？她坦言沒有特別多想，但若然做視后有獎金，會更加積極。

郭晉安搞喊胡定欣

至於郭晉安與胡定欣在劇中爭權逐利，女方表示今次是他們首次正面鬥戲：「第一日開工已經感受到安仔嘅氣場。」而郭晉安感謝胡定欣拍攝期間分享內心世界，加深彼此認識，以增加戲劇表現，胡定欣表示：「喺內地嗰陣，我哋兩個去咗茶餐廳傾偈，安仔同我分享咗好多演藝生涯嘅珍貴時刻，聽到我眼濕濕，多謝佢願意同我分享。」