廣告

啟德簡約公屋爭議 黃偉綸明言不會更改選址

政府計劃喺多區興建簡約公屋,使用期暫定為5年。不過,部分選址就引起爭議,其中啟德嘅私樓業主就群起提出反對,認為會影響當區交通以及樓價。財政司副司長黃偉綸今日發文話,政府無意改變簡約公屋選址,認為長遠唔會改變土地規劃。 黃偉綸話,有人不斷挑起社會矛盾,公開唱衰自己社區嘅價值,唔單止不智,更係損人不利己,將基層同中產對立,唔係做實事者所為。 立法會議員楊永杰一度申請遊行,要求政府更改啟德選址,但後黎撤回申請,不過有當區居民仍然希望組織遊行。