雅虎香港新聞 【在家聖誕】足不出戶自製聖誕節大餐 魚市場直送海鮮/特別版雞尾酒/ 87折和牛食材
政府為了減少社區人流，宣布收緊防疫措施，當中禁止食肆6時後堂食，其他處所如健身中心、體育處所、美容及按摩院亦要關閉。對於即將來臨的聖誕節，大家最好還是乖乖地在家中與至親低調過聖誕節。上回介紹了5個高質的酒店聖誕套餐，今次一於精選炮製聖誕節大餐的4個選擇，當中有魚市場直送海鮮、聖誕特別版雞尾酒，還有最新加入網購行列的DONKI，務求令大家足不出戶都可以DIY到豐富的聖誕節大餐。
DONKI登陸Deliveroo 可網購300款產品
雖然驚安的殿堂DON DON DONKI分店愈來愈多，但最近更宣布同外賣速遞平台戶戶送Deliveroo合作推出「生活百貨」及「美食市集」，讓大家安坐家中都能選購到約300款產品，包括日本水果、熟食如章魚燒、千層蛋糕、關東煮、壽司、零食雜貨等，大家可以選擇送貨上門或提前預訂到門市取貨。為慶祝驚安的殿堂登陸Deliveroo，更特別推出多項限定優惠，當中Deliveroo新客戶可以優惠碼「DONKI100」獲取兩張$50現金券，而現有客戶亦可享首張DONKI訂單85折優惠。另外由12月18日起，所有顧客均可以優惠價購買戶戶送獨家火鍋套餐，並獲贈限量版聯名保溫袋。（先到先得，售完即止）
Deliveroo
網址: 按這裡
魚市場直送 蒸氣鍋/卜卜蜆雞煲套餐
想食新鮮海鮮的話，可以試試鮮直送的海鮮食材套餐，分別有$900粥底海鮮蒸氣鍋四人食材，以及$675卜卜蜆雞煲四人食材，前者有兩隻波士頓龍蝦、1斤花甲、8件龍躉件、4隻元貝等8種食材；後者有斤半大蜆、半隻三黃雞、 4隻鮑魚、4隻象拔蚌仔等11種食材，全部海鮮均由香港魚市場直送上門，價錢已包運費。不少食過的網民大讚份量多，海鮮大隻肥美，可以encore。
Klook
網址: 按這裡
87折和牛套餐 有齊五種肉品
Beef King於Klook提供頂級和牛肉眼食材套餐，87折後，連運費只需$658。套餐內足有5種肉品，當中有兩塊250g澳洲純種M5和牛肉眼、兩塊150g澳洲優質牛肉漢堡、一塊250g美國特級Prime肉眼、美國Prime肥牛片及日本水飼梅肉，份量足2-3人食用，啱晒一班食肉獸。
Beef King
網址: 按這裡
超搶眼！聖誕特別版雞尾酒
有美食點可以無美酒。香港瓶裝雞尾酒品牌Píng推出一系列聖誕特別版雞尾酒，由專業調酒師調製，並以冬季和聖誕的元素作靈感，一套5款分別為以朱古力和橙為主調的Chocorange、以紫薯為主題的Purple Snow、用澳洲車厘子製成的Mull Mull Mull、紅噹噹的Strawberry Cake及用薑餅作主調的Gingerbread，全以透明小玻璃樽盛裝，顏色鮮艷很有節日氣氛。一套5款價錢為$340，另有聖誕禮品套裝一套5款連兩隻精美雞尾酒酒杯，售價為$398，限量300套。不過要買滿$400才免運費，$400以下需另付$80運費。
Píng
網址: 按這裡
下載全新Yahoo App
按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！
更多相關文章
【全港防疫】本港展覽或活動舉行實況 工展會延期/書展延至7月/商場活動暫停開放
【聖誕好去處】海港城聖誕裝飾亮燈 巨型聖誕熊仔玩具店+聖誕燈飾花園
【本地好去處】Kakao Friends登陸尖沙咀 5大粉紅打卡位+Apeach主題概念店
【本地好去處】賤人新世紀殺入旺角 3.5米高大麻成充氣公仔+Lin神互動裝置
