大女出國升學 機場相擁照片惹熱烈討論 黎瑞恩：學完返嚟咪回饋祖國囉

「小恩子」黎瑞恩於2014年與前夫曾智明離婚，之後獨力照顧一對仔女曾凱栭（Sheree）和曾浩儒（Tyrone）。喺噚日（29日）黎瑞恩喺社交網站上載一張與女兒喺機場相擁嘅照片，點知引起網民熱烈討論。

大女決定到外國升學，所以黎瑞恩喺Facebook上載相擁照片，並留言話：「希望幾個月之後可以見啦，#俾心機，加油。」除咗有唔少網民叫Sheree加油同保重之外，有網民貼出黎瑞恩以前嘅帖文，仲斥責佢為「漢奸」及有網民問「點解唔喺中國讀書」、「有祖國唔去 祟洋媚外」等等。另外，亦有網民留言叫佢唔使理會其他人所講嘅嘢。

面對大批網民留言，黎瑞恩只好三次統一回覆，分別係「多謝各位哥哥姐姐嘅鼓勵同祝福」、「嘩 咩事咁熱鬧呀 點解唔可以外國讀書呢 唔使出動到漢奸咁緊要呀 真係俾你哋笑死我呀 正因為有d科目無 所以咪要去學囉 學完返嚟咪回饋祖國囉 咩事咁大反應呢」及「唉 各位充滿憤怒嘅施主 你哋放下啦 唔好嘥咗寶貴嘅時間啦 苦海無邊 回頭是岸 施主請回 我唔會再答你哋㗎喇 多謝光臨」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！