大媽泳衣玩謝佳麗 徐麟導彈失靈 林鈺洧衰為食「腩」炒!

林鈺洧肚大過胸,減肥尚未成功!
林鈺洧肚大過胸,減肥尚未成功!

昨日《2022香港小姐競選》一眾候選佳麗首度以泳裝見傳媒,擁D Cup「導彈」的林鈺洧Big波蕩漾,但坐圍同樣分量十足,「波籮」稱霸佳麗!體重同樣No.1的她卻出現凸腩醜態,要加把勁瘦身。而「爆炸頭」徐麟身材本應更勝一籌,可惜「大媽泳衣」大整蠱,埋沒好身材。

19位佳麗昨日在愉景灣首度以泳裝見傳媒,因天雨關係,由泳池移師到室內拍攝。眾女正接受大會一連7日Staycation特訓,備戰9月舉行的準決賽和決賽,在頻密訓練下,由狀態到身形也相當Fit。今屆「波霸」要數林俊賢女兒林鈺洧,三圍34.5、25、36.5的她擁D Cup「導彈」,上台時相當跌宕,連同「籮霸」下圍稱霸群雌。不過,大會提供的花花泳衣可謂大整蠱,即使上圍達35吋的「爆炸頭」徐麟與何思懿,玲瓏曲線都被「夷為平地」!

問到穿泳衣是否特別自信,林鈺洧說:「靚唔靚唔係取決於上圍大細,我覺得均勻身材先會加分,自己滿意骨架均勻同埋夠高。」談到現巨躉,她揚言唔使減:「可以做啲練習緊緻啲,女仔有啲曲線會更加好睇。」至於凸腩一事,她笑指事前食了水果,本身也容易出現肚腩仔,她自言已減了7kg,希望再減3kg達致最好狀態。

何思懿滿意身材

至於徐麟不覺得身材豐滿穿泳衣會更自信:「唔同嘅身材都有佢嘅Style,唔會比較邊個靚啲。」又指集訓頻密已經疲倦,不用特別Keep Fit。問到比賽時會否再出動「爆炸頭」搶鏡?她笑說:「都有可能。」而何思懿讚多位佳麗身材好好:「林鈺洧話自己係8號,所以身材好似葫蘆咁豐滿。我哋唔同Style,滿意自己身材,都希望減多3kg。」

另外,馮嘉敏、邢慧敏與楊溢屬Fit爆一族,沒半點贅肉。不少佳麗努力減肥,身為模特兒的邢慧敏反而食Pizza增磅:「工作人員話我好瘦,仲有Quota,叫我食多啲嘢。」而馮嘉敏指社交網的水着相其實是內衣:「有次同哥哥行山,去到冇人嘅沙灘咪即興影相,其實嗰套係內衣,哈哈!」楊溢平時做開運動,對身材有信心,只是不習慣穿高踭鞋,怕上台時站不穩,心情緊張。

擁35吋上圍的徐麟,自信不用刻意Keep Fit。
擁35吋上圍的徐麟,自信不用刻意Keep Fit。
泳裝設計未能突出佳麗的玲瓏曲線。
泳裝設計未能突出佳麗的玲瓏曲線。
同屬「波霸」一族的何思懿,希望減多3kg。
同屬「波霸」一族的何思懿,希望減多3kg。
馮嘉敏(左起)、邢慧敏與楊溢身材健美。
馮嘉敏(左起)、邢慧敏與楊溢身材健美。