雅虎香港新聞 「女人節」論盡子宮反思性別議題 創辦人：捍衛身體自主由自己開始 「每個人都是倡議者」
【Yahoo 新聞報道】如果子宮是一個人，你對她有甚麼不吐不快的心底話？「女人節」創辦人 Vera 與 Sonia 在雅虎香港的分享活動上，鼓勵員工思考性別議題。今屆女人節主題為「A Womb Dialogue」（如果子宮會說話），逾 30 個活動帶領參加者從子宮出發，反思月事、生命孕育、健康等議題，預期逾 1,500 人參加。創辦人又指，每個人都可由自己開始，捍衛及倡議身體自主，近日有中學生爭取破髮禁就是最佳例子 。
文字記者：盧珮瑤
攝影記者：Davies
Vera與Sonia帶著今屆女人節的限量Moon Bag，出席雅虎香港的分享活動。當提到Moon Bag有「舒痛調經粥」，在場女士反應熱烈。兩人除了介紹女人節內容，又與員工們玩遊戲，過程中引導眾人思考「你會點樣形容自己？」、「你有幾常諗起自己嘅身份？」，讓員工反思自身性別與身份的連結，向社會作出敲問，正是女人節之目的。女人節門票收益將捐助多個民間女性組織，包括女移民工庇護中心「白恩逢之家」。
「子宮，我真係好多謝你！」
每個女性與子宮都有獨一無二的關係。同為Sally Coco創辦人的Vera育有兩女，「我同子宮無一個好嘅relationship（關係），淨係覺得有個BB住喺子宮入面」。歷過產後抑鬱，她誕下第二胎才感受到子宮的神奇威力，「佢自己會收縮，推個BB出嚟，所以生完真係有同子宮講『我好多謝你！』」Vera形容子宮也令她成為神奇媽媽，「以前好畏高，但經歷兩次生產好似無嘢驚，而嗰樣嘢係因為我身體有咁神奇嘅器官」。
性別研究學者Sonia則選擇不生育，對子宮又愛又恨，「每次嚟M（月經）都好開心，證明我選擇嘅child-free（不生育）嘅lifestyle（生活方式）可以繼續」。女人節將舉辦「月經探險角」等以月經為題的活動，習慣來經期間吃朱古力調節心情的女士則可參與「朱古力感官探索坊」。
被拒結紮：醫生叫我唔好亂諗嘢
要行使身體自主的權利，現實局限遠超想像。Sonia曾考慮做結紮手術，卻難過登天，「我肯簽字、肯畀錢都無用，醫生會用一個鐘勸我生小朋友，叫我唔好亂諗嘢，你會感覺到你嘅身體真係唔係你」。Vera則提到早前美國法院推翻的婦女墮胎選擇權，「自己嘅身體應該由我決定，呢樣嘢咁私人，但喺public setting（公共場域）變咗大家可以決定」。Sonia續指，坊間反對墮胎時經常提到Pro-life（保護生命），「講緊嘅只係BB嘅生命，但無人pro過媽媽嘅life，無人會諗生育決定喺佢生命中點樣play out（演繹）」。女人節亦會舉辦「你以為有得揀」講座，探討女性身體自主權的局限。
改變現狀 由自己開始
早前一名瑜珈教練遇害，坊間湧現「厭女」言論。Sonia 形容這是社會一大警號，「原來唔好彩發生喺你身上嘅時候，係無人會企喺你嗰邊」。Vera 認為，每個人都需勇於帶頭改變，「你夠唔夠膽去糾正佢呢？其實每個人都係 advocate（倡議者）」。近日中五生爭取破「髮禁」一事正是勇於改變的最佳例子，「大眾畀佢一個規矩，但想留長頭髮係佢嘅選擇，係我想點樣表達自己」。Vera教育女兒時不忘強調身體自主，灌輸「身體氣泡」等性教育觀念，「同人握手前都要問過人先，你都可以拒絕同人握手，所有concept（觀念）都係圍繞你想做咩選擇，係你自己決定」。
【女人節 2022】
日期：2022 年 8 月 12 至 14 日、20 日至 21 日
地點：佐敦逸東酒店
