好姊妹為鄭裕玲補足生日 個個保養得宜網民大讚：簡直係不老的傳說

人緣不俗嘅鄭裕玲（Do姐）喺圈中有唔少閨密，仲不時與好姊妹相聚，喺噚晚（22日）Do姐就喺社交網站上載與丘凱敏、劉曉彤、顧紀筠、宣萱及吳美珩相聚嘅照片，照片中佢哋每一位都保養得宜，毫無歲月痕跡，令到唔少網民大感驚嘆。

Do姐喺噚晚上載咗三張與好姊妹丘凱敏、劉曉彤、顧紀筠、宣萱及吳美珩相聚嘅照片，佢哋喺顧老闆屋企飯聚，並喺大廳由Do姐拎住寫有「Happy Birthday Boss」嘅蛋糕嘅合照，相信係為9月9日生日嘅Do姐補祝生日。Do姐喺IG PO寫上：「最是期待這個相聚！少說已經有十年！但我們仍然健康美麗，正能量！」照片中佢哋個個都保養得宜，絕對稱得上係「凍齡美魔女」，一班網民大感驚嘆，留言「真係個個都仲咁靚，冇老過」、「簡直係不老的傳說」、「個個都冇變過樣咁」、「係咪時間停留咗，點解你地可以keep住個靚樣呢」、「真的美女young and lifely 太美啦」、「宣萱都仲好靚女」、「宣同吳美珩都好靚啊啊啊。點解一啲都無變」及「(風少)媽咪-顧紀筠保鮮最強，長期保持美貌窈窕。」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！