好睇唔好用 威尼斯行人橋將重建

玻璃橋「憲法橋」於2008年落成,橋身採用透明玻璃。(圖:wikiapia@twitter)
玻璃橋「憲法橋」於2008年落成,橋身採用透明玻璃。(圖:wikiapia@twitter)

意大利水都威尼斯由於幾乎近水而建,全市共有390多座橋樑連接,不過其中最矚目一定係呢條玻璃橋「憲法橋」(Ponte Della Costituzione),於2008年落成,橋身採用透明玻璃,尤如一座懸浮空中嘅吊橋,由西班牙設計師Santiago Calatrava負責,不過自落成以來爭議不斷,更被人形容為好睇唔好用,近日當地政府正式決定用50萬歐羅重建橋樑,以岩石面取代玻璃!原來自落成以嚟,由於玻璃太光滑引致唔少遊客曾經跣倒,特別係落雨後更加係「寸步難移」,事故頻生。2019年時由於大橋預算超支、安全隱患、不時維修等問題,政府怒告設計師,最終法院判定設計師「設計過失」罪成,最終要賠償6萬歐羅。其實一直以嚟政府試過貼防滑條、灑鹽等方法但都失敗,最後都係要決定重建呢。

自落成以嚟,由於玻璃太光滑引致唔少遊客曾經跣倒。(圖:wikiapia@twitter)
自落成以嚟,由於玻璃太光滑引致唔少遊客曾經跣倒。(圖:wikiapia@twitter)
政府試過貼防滑條、灑鹽等方法但都失敗。(圖:wikiapia@twitter)
政府試過貼防滑條、灑鹽等方法但都失敗。(圖:wikiapia@twitter)

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

___________________

相關文章:

情人節-2022-香港-5-大免費情人節活動提案

日本蜆爆假產地疑雲-熊本縣產蜆-97-都係外國入口?

情人節-2022-尖沙咀-帝樂文娜公館北歐餐廳