好聲好戲丨吳幸美被激讚蔡少芬及李佳芯上身 因賽制輸畀樊亦敏 網民感不值:嘥聲嘥戲

好聲好戲丨吳幸美被激讚蔡少芬及李佳芯上身 因賽制輸畀樊亦敏 網民感不值:嘥聲嘥戲
好聲好戲丨吳幸美被激讚蔡少芬及李佳芯上身 因賽制輸畀樊亦敏 網民感不值:嘥聲嘥戲

TVB電視聲演真人騷《好聲好戲》第二輪出賽藝人包括吳幸美、樊亦敏、黃嘉樂及黃智賢;吳幸美首兩回合聲演《棟篤神探》「女長人」及《智能愛人》「阿寶」,得到高度評價,更被指蔡少芬及李佳芯上身。惟第三回合邀請《東張西望》拍檔Patrick Sir(林溥來)聲演《踩過界II》「癲姐」蔡思貝醉酒一夜情戲分稍稍甩嘴,但勝在吳幸美積極投入角色搭救。吳幸美表示,為還原劇中蔡思貝哨牙腔,自費搵牙醫倒模整咗副哨牙供練習時用,等自己知道哨牙發音係點。三個回合比賽後,吳幸美係最高分嘅參賽者,但基於賽制關係,令吳幸美未能出線。

《好聲好戲》賽制係由評判團投票決定賽果,5票當中僅得汪明荃及專業評判投畀吳幸美,最終由樊亦敏以3票險勝。唔少網民都替吳幸美感到不值,留言指:「樊亦敏衹贏一個回合,而吳幸美整體都很出色,點解會比樊亦敏出線,頭兩個回合豈不是多餘嗎?」、「三太(樊亦敏)其實配音,真係麻麻,衹是人情分一票,才勝出。」、「幸美二冠一亞佳績都foul,三太(樊亦敏)兩蛋一冠就順利晉級,造假也太明顯吧。」、「原來只用第三round計分,咁第一二round為乜比賽,嘥聲嘥戲。」、「吳幸美輸得莫明其妙」等等。

吳幸美於節目落淚並感嘆入行20年第一次成為焦點,解釋指同事們都非常認真看待呢次比賽,而宣布結果一刻令佢釋放咗啲壓力;又藉此感謝朋友、一同參與嘅藝人、評判及配音界前輩嘅支持與建議:「我會慢慢細心回味佢哋講嘅說話,有機會希望可以做得更加好!多謝Liza姐一直鼓勵我,衷心多謝阿姐,恭喜樊亦敏,希望佢喺決賽攞到更好成績。」

《好聲好戲》截圖
《好聲好戲》截圖
《好聲好戲》截圖
《好聲好戲》截圖
《好聲好戲》截圖
《好聲好戲》截圖
《好聲好戲》截圖
《好聲好戲》截圖
《好聲好戲》截圖
《好聲好戲》截圖
《好聲好戲》截圖
《好聲好戲》截圖
《好聲好戲》截圖
《好聲好戲》截圖
《好聲好戲》截圖
《好聲好戲》截圖
《好聲好戲》截圖
《好聲好戲》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!