姚焯菲臨別依依 送花慰粉絲

快將海外升學的姚焯菲,揚言會不時返港見粉絲。
快將海外升學的姚焯菲,揚言會不時返港見粉絲。

姚焯菲即將出國留學,昨日於活動上臨別依依,向一班疼錫她的粉絲送花表達謝意,更連聲否認暫別樂壇,揚言一有時間便會返港見粉絲。

姚焯菲(Chantel)昨日現身商場活動,梳起孖辮、穿熱褲騷長腿,大晒青春活力,吸引大批粉絲舉牌撐場。談到近日不乏商演工作,問到是否過肥年?Chantel笑言:「唔知自己搵幾多,淨係知道做咗好多商場活動,係好開心同滿足嘅一年。(封大利是畀父母?)我覺得畀佢哋最好嘅禮物就係讀好啲書,如果我能夠兼顧事業同學業,讀到好成績,相信佢哋會好開心。」

承諾好快會返港

早前預告到新西蘭留學的她表示,為配合當地開學時間表,會於農曆新年後出發:「我去到都係讀中學,先打好個底,爸爸媽咪會陪我過去開學,到時我會住學校宿舍。」對於外界指她暫別樂壇,Chantel澄清:「我唔係暫別樂壇,好快會返嚟,等學校有Term Break就返,所以會返嚟見大家。(嚟緊嘅工作有影響?)公司安排得好好,我真係會返嚟。(準備好晒出國嘅嘢未?)都OK,出發之前會同屋企人、粉絲、朋友食餐飯。」