孖許恩怡蒲旺角 Edan為基仔扮學生 童顏零違和

身穿校服的Edan現身旺角,即引起不少粉絲注意。
身穿校服的Edan現身旺角,即引起不少粉絲注意。

人氣偶像Edan在新歌MV化身學生哥造型,換上校服的他孭住書包蒲旺角,毫無違和感;身為《膠戰》主持的他希望節目長做長有,給觀眾帶來無限歡樂。

男團MIRROR成員Edan前日現身旺角鬧市一間唱片店,吸引數十名粉絲圍觀。搖身成為學生哥的他着上白恤衫、打呔加淺藍西褲,斜孭黑色書包,由於他天生一張童顏,今次穿上校服都完全沒有違和感,而他身邊還有一名「女同學」,原來是息影女星柏安妮的女兒、影壇新人許恩怡,2人拍攝走入一間唱片店內的場口。有指Edan是參與古巨基新歌MV拍攝,因唱片店內貼滿基仔的海報,而基仔亦曾低調現身,但拍完已快閃走人。

Edan昨日與藝人魏浚笙(Jeffrey)為ViuTV綜藝特別版《膠戰SSP》進行錄影,《膠戰》第3季暫未知會否開拍,雖然6位主持檔期難夾,但Edan說:「我哋將《膠戰》放到好前,好希望呢個節目成為長壽節目。」而Jeffrey拍攝的新劇《百萬同居計劃》,預計6月中煞科後,將緊接另一工作。

對於MIRROR演唱會的「MIRO特別場」門票昨日開售,Edan知道有粉絲買不到票感失望:「我都有少少愛莫能助。(前夫關注組因為買唔到飛而關閉專頁。)我明白大家心情,如果係我都會好嬲,『咁支持你哋,買張飛都咁難!』我希望將來有更好方案。(點樣氹番大家?)大家唔好嬲啦!如果我話會盡力做好個騷,佢哋又睇唔到,可能會仲嬲,咁我會留力將來表演畀大家睇。」

Hillary洪卓立已見家長

另外,剛度過生日的劉沛蘅(Hillary)日前於社交平台分享男友洪卓立幫她慶生的照片放閃,她表示事前不知男友會送驚喜,她大方說:「咁呢一日都係預留畀佢,佢送咗首飾,可以成日戴住。」提到粉絲對他們這一對很受落,她笑說:「覺得大家都好鍾意我哋呢對情侶,希望大家搵我哋情侶檔工作。」並表示見過家長,但沒有被催婚。

Edan與許恩怡身後的海報印有基仔靚樣。
Edan與許恩怡身後的海報印有基仔靚樣。
Edan與魏浚笙希望主持的綜藝節目長拍長有。
Edan與魏浚笙希望主持的綜藝節目長拍長有。
Hillary一講起洪卓立即勁冧。
Hillary一講起洪卓立即勁冧。