孖「男友」陳湛文歎米線 王菀之迎戰音樂會 淮山雞湯補身

王菀之與陳湛文品嘗「雞肉鮮淮山黑蒜清雞湯米線」,相當滋味!
王菀之與陳湛文品嘗「雞肉鮮淮山黑蒜清雞湯米線」,相當滋味!

歌手王菀之出道以來和張敬軒關係密切,但卻大爆這位「靈魂伴侶」照樣要她「科水」買演唱會飛捧場,合作新片時更被他拳拳到肉打到遍體鱗傷,雖然好友不憐香惜玉,但她都希望染疫的軒仔早日康復,笑言因要搵他計湯藥費。

昨日王菀之(Ivana)和陳湛文(Peter)以「銀幕情侶」身份出席「譚仔雲南米線」全新入冬進補之選「雞肉鮮淮山黑蒜清雞湯米線」新產品發布會,剛自日本返港的她亦有關心好友張敬軒在舉行演唱會期間染疫:「我都有輕輕咁慰問過佢,對佢意志力同養生好有信心,希望佢快啲康復,再開番演唱會畀啲歌迷啦。」問她捧場未?她坦言未被安排,而身邊的Peter好奇問是否要自資買飛入場,她就識做說:「一啲啲啦。」隨即相約Peter待軒仔再開騷時齊捧場,不過提醒他:「你要買飛喎!」

被張敬軒打傷攞湯藥費

Ivana又謂對和軒仔合作的賀歲片《超神經械劫案下》充滿期待,皆因她將大展一身好武功,自詡有功夫底子,拳腳應付自如:「我有好多動作戲,對手係軒仔,不過我啲拳風控制到,一到就會停,但佢就控制唔到,打到我全身傷晒,好在依家冇事。(問佢攞湯藥費?)咁又唔好,所以希望佢盡快康復,之後再算。」

忙完電影後,她又要投入其音樂工作,日前飛抵日本長野拍攝MV:「去咗個好靚嘅森林,行程6日,有3日係做嘢,仲同好耐未見嘅哥哥同佢個仔喺日本倒數,父母、老公都喺香港。(撇低老公?)因為佢有嘢做呀。」而5月時,更要面臨大挑戰,要在2周內舉行共8場音樂會,她透露:「3場係同香港管弦樂,緊接再開5場我從未試過嘅Pop Music Show,全部都係自己創作,所以會攰啲。」笑言要食雞翼及飲淮山雞湯補身。Peter聞言即謂會全家捧場,Ivana大方說會送一張飛給他囡囡,意下之言要他和太太買飛捧場。

至於Peter忙於為《飯戲攻心》舞台劇排練,指跟電影的故事及班底大不同,所以一切都從頭開始,重新摸索。

在日本叉完電返港的王菀之,風騷大派心心。
在日本叉完電返港的王菀之,風騷大派心心。
陳湛文Chok甫整古做怪。
陳湛文Chok甫整古做怪。