學友張家輝欣宜原定擔任嘉賓 胡楓確診周六紅館騷延期

【星島日報報道】新冠疫情持續飆升，確診宗數近期每日破萬，90歲胡楓（修哥）亦不幸確診，因修哥目前正在居家隔離，加上年事已高，大會讓他專心休養，所以原定周六（10日）下午假紅館舉行的演唱會即時取消。修哥對個唱要改期感到非常之不安樂，揚言打齊三針，希望盡快在紅館同大家見面；而主辦單位會在今天公布退票安排，並爭取盡快重啟演唱會，但未知屆時學友是否有期演出。 文：娛樂組

近日胡楓本正為《修哥90迎金秋 無限楓騷演唱會》積極綵排，突然傳出修哥確診新冠肺炎消息，記者聯絡上修哥，在電話中聽到修哥的聲 完全不覺有問題，而且精神很好，他還開玩笑說：「無啦啦中招！」他透露：「病徵只有少少咳及想 覺，前晚做核酸測試證實確診，因為 得多現時唔想 ，在屋企四圍行。（是否近日為演唱會綵排接觸人多？）係，都唔知被感染途徑，綵排時我有戴口罩。」

已打三針 家居隔離

說到「契仔」張學友原本做嘉賓，修哥笑問：「咁神秘你都知？除了學友，還有張家輝、鄭欣宜、薛家燕及羅蘭，太太在生時成日讚家輝唱歌好聽。今次演唱會要改期，個心真係非常非常唔安樂，希望大家保留門票，我會盡快在紅館同大家見面。」另外，大會發放修哥的最近短片，片中修哥聲如洪鐘說：「大家好，唔好意思，我確診 ，所以中秋節在紅館的演唱會不能同大家見面。大家放心，我打 三針，睇 我幾好精神，仲有我係家居隔離，無事㗎！我希望盡快能夠在紅館再次同大家面，請大家保重身體！」大會提醒已購票之觀眾，密切留意大會官方網站內之門票安排通知。

兩個月內舉行補場

因應修哥確診而取消演唱會，令一眾想睇神秘嘉賓張學友、張家輝、鄭欣宜及薛家燕等演出的觀眾頗為失望，主辦方寶輝娛樂市場總監謝嘉豪（Simon）接受本報獨家訪問時強調係延期，唔係取消，紅館亦好幫手，希望兩個月內能夠補場滿足大家需要，但只會開一場，而補場應該是開夜場。他又指今次修哥演唱會反應熱烈，選擇退票的觀眾應該唔多。

Simon承認今次損失10多20萬元，每次綵排都做足消毒及安全措施，除修哥缺席外，暫時綵排如常，至於神秘嘉賓會否在補場現身？他相信修哥契仔、契女只要有時間，到時都會撐場。

■修哥拍片時聲如洪鐘，更表示自己已打三針。

■兩個契仔張學友及張家輝，原定都會在演唱會上開腔撐契爺。 （資料圖片）

■修哥早前已為演出揀好戰衣並進行試身。

■修哥日前到音樂總監杜自持（右）家中，為演唱會操歌。 （資料圖片）

■謝嘉豪表示因為取消周六的場次，將會損失約20萬元。 （資料圖片）

■中秋日舉行的演唱會將會延期舉行。

娛樂

睇更多