安仔定欣籲關注罕有病患者 馬明租屋養貓 間接認和靚湯同居

【星島日報報道】馬國明（馬明）、胡定欣、郭晉安及張 雯等為劇集《白色強人II》宣傳，席間他們為罕有病患者打氣，張 雯更講到眼濕濕，希望變真醫生為病患者醫病。之後眾人分組接受體能考驗，以及公布前晚《白色II》收視有19.4點，席間馬明否認因好事近而推新劇。

文：余潤娟 圖：羅安強

最近有指馬明忙搞結婚好事近推新劇，對此他否認說：「真係唔係，未聽故仔，每個劇都有兩、三個演員人選，我只是其中一個，公司好好、留檔期為劇集做宣傳，又幫我接了其他工作，好開心！入劇組就好難度到期，昨晚收視有19.4點、好高，有這個成績公司好滿意。」被問到現時有空檔可計畫婚事？他強調若結婚會公開，而女友湯洛雯（靚湯）月中到澳洲工作，今次分開10多日不算好長時間，這段時間他負責照顧貓，原來最近他與靚湯一齊養了兩隻 ，言談中間接承認與靚湯同居。

馬明表示因疫情期間開工不戴口罩、感染風險大，所以在將軍澳租了一個單位住，加上靚湯想養貓，所以買了兩隻貓，更視兩隻貓為兩公婆。問是否實習做爸爸？他笑說靚湯一向鍾意小動物，而兩隻貓好得意、好嗲，夜晚去廁所都會跟住他，激發他的父愛，笑言中了貓毒。

劇中互鬥不互憎

至於郭晉安和胡定欣受訪時表示首次接觸罕有病患者，拍攝時有上網了解病患者面對的問題。定欣聽組織負責人說藥物爭取到平價，減少擔憂好感動。她覺得這部劇有意義，拍攝時已超出純演戲範圍，拍完這部劇都增加了認知，希望觀眾看完會思考，多關心病人。劇中她與安仔互鬥，安仔說出發點是為病人爭取權益，他好欣賞與定欣的對抗戲，大家不存在憎對方，各有自己的執 ，穩打穩紮演出，兩人超脫了演戲、真的似醫生，帶出醫者父母心。

■馬明、定欣、安仔齊為新劇《白色強人II》宣傳。

■馬明透露靚湯將到澳洲工作10多日，自己負責照顧貓。

■馬明與罕有病小童互動，為他們加油。

■安仔與罕有病患者配合得不錯。

■定欣、姜麗文兩人的體能都不錯。

■張 雯為罕有病患者打氣，期間講到眼濕濕。

娛樂