容祖兒蝕讓110萬賣樓 手持4億物業濕濕碎?

樂壇天后容祖兒近年北上發展順利,早年喺香港已經獨當一面嘅祖兒,鍾情於投資「磚頭」而且眼光獨到。但係近日地產界有消息流出,祖兒持有嘅銅鑼灣希雲街曦巒465平方呎單位,最近以帳面蝕讓約110萬元離場。

據YAHOO財經報導,祖兒同媽媽以公司名義大約10年前以1135萬元買入呢個1房單位用來收租,近期決定放盤,本來叫價1500萬,最後要劈到落1025萬元沽出。不過同屋苑近年出現多宗蝕讓,祖兒都唔係唯一苦主。

YAHOO財經︳樂壇天后「心淡」賣樓滴血 今年樓價終極要跌幾多?

容祖兒蝕讓110萬賣樓 手持4億物業濕濕碎?
容祖兒蝕讓110萬賣樓 手持4億物業濕濕碎?

輸一球出貨,唔少業主一定牙痛咁聲。但係據估計容祖兒手持超過十個物業,總價值大約4億元,淨係自住嘅淺水灣道56號的雙號複式戶,2018年買入價已經2億!祖兒多數物業都係同媽媽以公司名義持有,另一個收租盤位於東半山松柏新村,早前以月租95000元租出,較叫價少近2萬蚊,不過呢個單位而家市值過億,對比2009年買入價3579萬計,勁賺至少一倍!

呢2個盤以外,祖兒仲有渣甸山名門、鴨脷洲深灣軒、堅尼地城維壹等港島區單位,近年亦都跟大隊轉攻工廈同商舖,果然投資有道。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!