尾場「賣大包」Encore到凌晨1點 周國賢哭唱舊情歌 承認離婚一年半

周國賢前晚完成入行18年來首個紅館演唱會，唱到歌曲《天使》時，落淚透露「Status已經唔同咗」，騷後他承認已跟韓籍太太分開一年半，婚姻關係畫上句號。

入行18年首踏紅館的周國賢，前晚在尾場演唱會感觸良多，每當唱到有關家人、女兒的歌曲，更多次感觸落淚，當唱到《天使》時，更暗示感情狀況有變，哽咽說：「呢首係當年19歲喺日本寫畀女朋友嘅歌，睇番覺得幾幼稚，當時覺得點解你唔了解我，依家先明白冇喺佢嘅角度去睇。如果當年唔係自私唱畀自己聽，而係唱畀佢聽，結果會唔會唔一樣呢！」

演唱會在連番Encore下唱到凌晨1點，他請來樂隊合唱《時間的初衷》，雖然舞台設計已極其簡單，但樂隊主音趙善恆仍被電線絆一絆，周國賢即緊張說：「小心呀！」最後唱出《時空》作結。

繼續履行爸爸責任

完騷後，周國賢承認與太太已分開一年半：「我哋選擇用另外一個方法去愛，我哋依舊係好好嘅朋友，呢個係雙方共識。（已經離婚？）係分開咗，我只想回應一次。（首歌所講嘅係太太？）唔緊要啦！已經過咗去嘅，由佢留喺首歌度。」又指大家度過了21年光陰，會繼續履行做爸爸的責任，永遠愛她們。

周國賢當年到日本留學時認識韓籍太太李美英，2002年結婚並育有3名女兒，2013年，有傳他搭上助手，令太太帶女兒避走加拿大，傳他因而患上抑鬱症，後來遠赴加拿大挽救婚姻，近年更曾罕有放閃，可惜最終仍分開收場。