帶媽媽做義工 高海寧鍾情「父」心漢 預告愛情降臨

無綫花旦高海寧新一年成立義工團隊做善事。剛過生日的她感情未有着落，笑言因父親關係，對另一半的標準定得很高，但相信姻緣正來：「嚟緊㗎喇，畀啲時間我！」

高海寧（高Ling）成立義工團隊「TEAM SAMM」行善，昨日頭炮她偕媽媽到長沙灣一間長者中心舉行「高『齡』賀歲展關懷」活動，向長者派年糕。她表示會繼續探訪獨居長者、自閉兒童及情緒病患者等。

剛由馬來西亞拍攝新片返港的高Ling，笑言聖誕、除夕及生日也在當地度過。提到有「猛男」慶生，她笑言：「嗰日係生日前夕，諗住喺一間沙灘餐廳睇日落，朋友就話咗畀餐廳知我生日，佢哋就舞晒火圈幫我慶祝，覺得好Lucky，完全冇事先安排。」她又稱生日當天在工作中度過，於檳城拍攝3星期，遊覽不少當地景點，寓工作於娛樂。

睇阿佘拍劇偷師

問到生日可有男士約會？她說：「男女都有約我，依家仲未有（拍拖），嚟緊㗎喇，畀啲時間我，最好嘅永遠在路上。」她表示沒被媽媽催拍拖，反而爸爸有，更永遠將她放在第一位：「爸爸幾夜都會覆我訊息，有乜困難搵佢都會幫我。佢令到我對男士標準定到好高，所以好難搵。」

高Ling表示將跟佘詩曼合作新劇《新聞女郎》，暫時收到5集劇本，但未知何時開拍，已做定功課準備。談到與阿佘相隔7年再合作，可有對手戲？她說：「有嘅，但唔多，因為我哋唔同Team。佢拍戲嘅時候，我一定會喺度睇偷師。」