環球趣聞|網友廉航點餐貨不對辦 雞肉三文治只得「幾條生菜」?

三文治除咗個包之外,入面嘅餡只有幾條生菜絲!
(圖:TeganInsley@Twitter)
三文治除咗個包之外,入面嘅餡只有幾條生菜絲! (圖:TeganInsley@Twitter)

想必大家都好想念旅行嘅日子哩?不過就未必有好多人想念坐飛機,特別係廉航嘅時候喇,事關以平價機票換來就當然係無服務,無水飲無嘢食嘅航程啦。日前一位名為Tegan嘅乘客乘坐由英國飛往西班牙嘅Jet2廉航班機,Tegan知道廉航唔會提供任何食物,於是起飛前已經透過官網訂咗一個價值4.3英磅(約40港元)嘅「雞肉煙肉三文治」。

過往都有唔少乘客中伏,實際食物同官網照片相差極遠。
(圖:網絡圖片)
過往都有唔少乘客中伏,實際食物同官網照片相差極遠。 (圖:網絡圖片)

於飛機上,Tegan終於等到空中服務員送上三文治,由於已經喺候機室等咗幾個鐘,Tegan非常肚餓二話不說打開三文治諗住大快朵頤之際,點知三文治除咗個包之外,入面嘅餡只有「幾條生菜絲」!說好的雞肉、煙肉及蛋黃醬、沙律醬都完全消失不見。後來Tegan將三文治放上個人網站,並另外上載官網提供嘅三文治相片作對比,並要求Jet2給予解釋,影片已經得到超過170萬次觀看!Jet2就解釋話係供應商嘅問題,話會同佢哋開會解決呢個問題喎。

Jet2就解釋話係供應商嘅問題,話會同佢哋開會解決呢個問題喎。
(圖:Jet2flight@Twitter)
Jet2就解釋話係供應商嘅問題,話會同佢哋開會解決呢個問題喎。 (圖:Jet2flight@Twitter)

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

相關文章:

環球趣聞|最新「空中郵輪酒店」懸浮半空 用核動力無需燃料永不停駛?

航空趣聞|全新經濟艙座椅分「上下層」 伸直空間增加但仍遭大眾炮轟?

環球趣聞|為旅行可以去到幾盡?英國女生扮患癌眾籌去旅行