張天賦IG Story爆seed控訴外賣平台：明明係你遲到攪到我錯咁？

張天賦（MC）上年先後推出《Good Time》、《反對無效》及《記憶棉》等派台歌，得到唔少樂迷熱烈支持，絕對係上年最耀眼嘅樂壇新人之一。去到今年，MC人氣繼續旺盛，新歌《老派約會之必要》反應仲相當理想。MC不時喺社交網站同網民分享生活日常，噚日（16日）佢就喺IG出Story控訴外賣平台。

喺噚日，MC罕有地喺IG出Story爆seed控訴外賣平台，上載一張與外賣平台客服對話嘅截圖，並寫上：「落個order話2點幾Delay到3點，咁我要做嘢就cancel la，遲已經算，個客服好意思同我講今次cancel以後就唔可以揀現金比錢，驚我走數？明明係你遲到攪（搞）到我錯咁？逼我用信用卡？咁就開開心心比你扣完錢要無條件接受，你遲到？送漏嘢？ #飽咗啦 #一肚火。」

事隔幾小時後，呢間外賣平台未有回覆，不過另一外賣平台就回覆MC話：「你想食咩？我哋即刻送俾你！」之後，MC仲好搞笑回覆話：「演唱會食牛扒得唔得」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！