張敬軒唔收爐 望票房突破千萬

張敬軒與楊天宇到尖沙咀謝票。
張敬軒與楊天宇到尖沙咀謝票。

唱而優則演的張敬軒,昨晚與藝人楊天宇等在尖沙咀出席英皇賀歲電影《超神經械劫案下》謝票活動,軒仔笑說新年冇得收爐是好事:「只要大家肯睇,我謝票到明年、後年都得,我拍之前都預咗要謝票同宣傳,所以請定假。(預計票房幾多?)冇上限!希望有千萬票房,做個千萬票房男演員。(好易做到?)我係賀歲片新人,而且套戲嘅體裁好難界定。」被軒仔指是片中「肌肉擔當」的楊天宇,表示極速增肌消脂,是參考了美國海軍陸戰隊的操練方法。

另外,將於3月在英國倫敦舉行3場演唱會的軒仔,對於門票被炒貴四倍,他無奈地說:「每個地方嘅售票系統都唔同,我搞咗個售票系統,亦預留咗內部門票畀歌迷會,杜絕部分炒飛。唔會再加場,其實冇諗過開3場,因為開2場個狀態係最好,開得多聲帶會疲勞,加上之前確診後未完全康復,仲有幾聲咳。」