張敬軒讚Tyson Yoshi口乖 答應收做𡃁

【星島日報報道】張敬軒《The next 20演唱會》在boxing day來到第四晚，軒仔再派兩份禮物，請來Tyson Yoshi及泳兒擔任嘉賓。當軒仔介紹Tyson出場，透露在訪問對方時被他激嬲，因他竟說「細細個就聽你首《孤單公園》」，當軒仔表示想飲水，工作人員拿出Tyson半裸爆肌代言的水，軒仔笑言：「我在香港咁耐未見過有個裸男賣廣告，今日boxing day……你 件T上來，係咪準備畀我拆禮物？」觀眾起哄叫Tyson除衫，Tyson卻走去拉軒仔身上外套的打結。

軒仔又問Tyson：「你話細細個鍾意我，究竟幾細？你咪亂講 呀……」Tyson驚青答：「中……中學。小學 陣你未入行。」軒仔大感滿意：「講得好有前途！」當聽到Tyson以「多謝大佬」回應，軒仔即謂：「好啦，我收你做『𡃁』。」全場爆笑。

之後軒仔談到於2005年時，在舊唱片公司遇上人事變動而被投閒置散，沒收入，當時獲周國豐叫去做港台做DJ，另外在TVB8頻道做VJ報娛樂新聞，坦言日子好難忘，第一日返港台收到第一隻派台碟《感應》，隨即歡迎小師妹泳兒上台，泳兒不禁熱淚盈眶。

■Tyson帶玩具槍上台，反被軒仔搶奪。

■泳兒講到眼濕濕，軒仔幫忙擦眼淚。

娛樂