張致恒欠債被爆出軌 雯雯劃清界線:我都冇錢還!

張致恒欠債被爆出軌 雯雯劃清界線:我都冇錢還!
張致恒欠債被爆出軌 雯雯劃清界線:我都冇錢還!

藝人張致恒與老婆區燕雯(雯雯)多次鬧婚變,最近雯雯透露已搬屋,又暗示已單方面安排離婚,將會做單親媽媽,更不時公開批評老公,怒轟張致恒又癈又懶,唔願照顧3個兒子。佢周二(7日)再次發功,喺社交網發長文,表示被唔少訊息轟炸,當中內容涉及追數、出軌等,不過佢指自己亦冇錢,即使老公出軌亦唔會影到到佢嘅生活同情緒,似乎想同張致恒劃清界線!

佢於長文表示:「只會講一次,亦不會私下回覆所有,所以唔需要不段轟炸我。」之後佢分幾點講述事件,首先提到老公嘅欠債問題:「1. 如果你搵我係想講我老公,曾經問你借錢,而又未還錢嘅,好抱歉,我都冇錢。」睇嚟有唔少張致恒嘅債主向雯雯追債。

佢最後總結話:「如果你哋任何一個想公開曝光一切,你哋即管可以做,不會影響到我。不過你哋公開,佢冇工作,一樣不會有錢畀你哋,你哋話希望將所有嘅事實放喺我心裏面,其實冇咁嘅必要,我選擇得依家嘅路我就要自己去承受。」佢表示即使離婚都會有好多種原因:「如果你哋嘅目的係想我哋離婚,我諗我可以同你講我已經有我嘅路行,若果我真係要離婚,我諗我可以有好多原因,但係一定唔會係因為一個又一個嘅你咃嘅故事。」

雯雯想同張致恒劃清界線。
雯雯想同張致恒劃清界線。
雯雯轟張致恒唔願照顧兒子。
雯雯轟張致恒唔願照顧兒子。
雯雯發長文!
雯雯發長文!