彭慧中遭猩猩狂咀 高海寧隔日歎世界 Enjoy全套服務

女星高海寧與彭慧中於旅遊節目大解放，出浴又做Spa，後者更遭猩猩熱吻！高海寧寓工作於娛樂，差不多隔日做Spa，令皮膚更加白滑兼減輕頭痛。

高海寧（高Ling）與彭慧中昨日穿上泰國傳統服裝，宣傳無綫節目《吃貨橫掃曼谷》，席間播放兩人與陳星妤做Spa及穿泳衣戲水的片段，相當吸睛。

父母飛泰國會合

高Ling透露所有性感演出都有打底：「最開心今次做Spa，可以做足全套，喺曼谷差唔多隔日就做，皮膚都滑啲，我Enjoy『頌缽形式Spa』，覺得對頭痛有幫助，成個人放鬆晒。」又指節目拍攝完成，父母專程飛往當地與她會合：「我哋再留咗兩星期去泰國郊區玩，仲住森林渡假村，又去咗古堡食飯。（好開心？）係，因為好耐冇試過一家人去旅行，對上一次已經係2017年。嚟緊我要開新劇《NEWS新聞女王》，所以趁開工前盡情玩。」

彭慧中返港增磅

而彭慧中透露於當地拍攝了17日，帶了5套泳衣：「喺嗰邊日日食。（肥咗返嚟？）因為要着泳衣，出發前後都有忍口，反而返到嚟先肥，因為知道唔使拍節目，所以放縱啲。」又笑言未知是否太盡興，拍攝途中生病。

提到她於動物園跟猩猩作近距離接觸，她笑言：「佢哋好好戲，聽指令就識擺甫士，又出晒力咁錫我。（以前試過猩猩非禮女藝人。）我又冇喎，不過知道拍動物園，我哋着T恤去，唔會被佢哋扯到走光嘅。」