影相簽名 有求必應 張敬軒飛倫敦開騷 300歌迷合唱送機

軒仔頻頻向粉絲揮手,非常親民。
軒仔頻頻向粉絲揮手,非常親民。

歌手張敬軒前晚現身機場出發往倫敦,為3月16日於當地舉行的3場演唱會做好準備。他獲逾300名歌迷送行兼唱歌打氣,令他非常窩心。

張敬軒將於英國倫敦的Royal Albert Hall開騷,成為首位華人在該處舉行演唱會。對於提前10日飛抵當地,他表示:「主要係適應時差,等自己狀態好啲,加上首次喺呢個場地表演,好多嘢都唔熟悉,所以同團隊早啲過嚟,希望所有嘢都做好準備,可以帶畀觀眾一次好好嘅音樂旅程。」而主辦方預留了殿堂錄音室「The Church Studios」給他綵排,有指英國天后Adele亦曾於該處錄音。

「多謝山長水遠嚟到」

前晚軒仔甫現身機場,一早聚集的歌迷頓時歡呼尖叫,最早到場的粉絲原來已苦候偶像數小時!一向愛錫歌迷的軒仔有求必應,為粉絲簽名及合照,他笑言:「好耐都冇見過大家唔戴口罩個樣喇,多謝山長水遠嚟到。」隨後他跟站在旁邊的歌迷說:「嗰邊冇行人路呀,我過唔到嚟呀,唔好意思,多謝大家。」此時歌迷大合唱:「來讓我跟你走,流浪到天邊海角……」實行憑歌寄意冧偶像。

據知,軒仔的香港官方歌迷會逾500歌迷,將由香港飛往倫敦欣賞演唱會。而軒仔赴英前工作忙碌,除閉關式綵排演唱會外,又連續拍了兩個廣告,難怪他笑言:「上機後真係可以有覺好瞓喇!」

另外,軒仔為紀念入行20周年的紅館《The Next 20》演唱會DVD及CD,自1月推出後,旋即登上香港唱片商會「每周十張好碟」首位,之後更連續6周成為冠軍,他說:「大家真金白銀買飛睇我演唱會之餘,仲買碟支持,好多謝大家。」

軒仔有實力又親民,難怪多年來粉絲人數有增無減。
軒仔有實力又親民,難怪多年來粉絲人數有增無減。
軒仔逐一為粉絲簽名。
軒仔逐一為粉絲簽名。