忍者都被盗?日本忍者博物館3分鐘唔見100萬
日本忍者對於大家嘅印象一定又神秘又武功高強,不過日前發生喺日本三重縣「伊賀流忍者博物館」就發生失竊事件,可以話係「老貓燒鬚」。
月中時博物館關門之後突然傳出警報器響聲,警方接報立即前往博物館,發現博物館中一個重達150公斤嘅夾萬已經被盗。及後調查發現大門被刻意撬開,由撬開大門至拎走夾萬全程不過3分鐘,行動之迅速令人覺得對方先係忍者呢!夾萬中存有約1,100張門票及紀念品賣買收入,總值約100萬日圓。
伊賀流忍者博物館為當地著名景點之一,展示日本伊賀流忍者各種機關、武器及道具等,館內仲不時有工作坊體驗忍者手裡劍,估唔到竟然被爆格;有網民就笑言,博館館應該要考慮請返幾個忍者夜晚去做保安睇住喇。
相關文章: