怕蔡思韵變懶 劉俊謙拒獻酬勞

劉俊謙與蔡思韵於活動上打情罵俏。
劉俊謙與蔡思韵於活動上打情罵俏。

藝人劉俊謙與女友蔡思韵(Ceci)昨日出席活動,男方表示已半年沒跟女友以情侶檔搵真銀:「因為之前去咗台灣做嘢,依家終於光榮回歸。(女友迎接你?)佢嗰日要做嘢,所以我光榮背後係孤單嘅。(情侶檔酬勞更優厚?)錢銀浮雲嚟,可以一齊做嘢嘅喜悅係無可取替。(將今次酬勞畀晒女友?)我冇所謂,不過如果將酬勞畀晒佢即係害咗佢,佢唔識得努力咁唔得嘅。」

Ceci表示近期工作忙碌,沒時間陪男友:「冇時間煮嘢畀佢食,拍拖都冇時間。」劉俊謙即說:「好期待食佢煮嘅飯。(最鍾意女友煮咩餸?)焗蜜糖雞翼,真係好食!」