情慾戲「肉」罷不能 趙希洛野戰濕晒 龔嘉欣：你最鹹！

藝人趙希洛在劇集《十八年後的終極告白2.0》中有多場情慾戲兼露肉演出，被指灑鹽花，她自嘲在劇中女演員中身形最肥，卻要露得最多，又預告將有一場超激野戰戲。至於不乏騷肌鏡頭的山聰笑言變身肉男，但認為情慾戲令劇集更有睇頭。

龔嘉欣、趙希洛、陳山聰、譚俊彥、譚凱琪及曹永廉等昨日現身無綫劇集《十八年後的終極告白2.0》宣傳活動，眾人大展歌喉又大玩爭櫈仔遊戲，氣氛熱鬧。

趙希洛在劇中不止以大露背上陣，又跟何啟南上演車震，她預告還會有更激場口：「係我人生中最難忘嘅終極激戲，我同何啟南繼車震後會有野戰，拍攝當日落雨，拍到成身濕晒。」不過卻被嘉欣嫌她露得不夠多，趙希洛笑言：「留番畀你！或者留番套劇拍3.0先豁出去。」嘉欣稱趙希洛已經大露背，自己無謂搶Fo，趙希洛就話要開心Share一齊露。對於網民認為劇集經常灑鹽花，嘉欣即時指着趙希洛說：「你最鹹！」趙希洛自嘲：「我係最肥嗰個，唔明點解由最肥嗰個露，減肥減到我暈，減咗差唔多10磅，我係肥底好難減。」

陳山聰變肉男好陰功

至於山聰認為劇中有情慾場面才好睇：「成日殺人唔好睇，其實韓劇都有加入呢啲元素，令個人物關係緊扣啲同有背叛感覺，觀眾之前覺得成日都係用口講，所以今次就做出嚟。」他在劇中有不少騷肌場口，他笑言男演員好陰功要變肉男：「因為女演員有底線，男演員上身係冇底線，監製要求，我哋配合，要Keep好個身形，有豬腩肉點得。」又透露已收到父親節禮物，是兩份由囝囝親手做的勞作，令他大感窩心。