情路猜忌 戲如人生 譚凱琪「奸」出位 全靠真假老公

藝人譚凱琪（Zoie）於新劇破格變「奸」，與劇中老公譚俊彥的角力引起熱話，而這位現實中的幸福人妻，獲丈夫支持繼續追夢，對方更全力照顧家庭。談到以往情路上起跌，她直言曾試過因猜疑完全喪失自我，如今懂得惜福感恩。

Zoie於產後約5個月時「復工」接拍無綫熱播劇《十八年後的終極告白2.0》，並一改以往戲路變得深謀遠慮，死前一刻依然與「丈夫」譚俊彥（Shaun）鬥智鬥力！她感激今次團隊的幫忙：「個劇本好完整，加上Shaun同陳山聰嘅幫忙，佢哋好專業，令我好容易投入，只係產前已經休息咗年幾，拍攝時又要兼顧家庭，好似冇晒記性咁，自己忟自己，驚阻人收工嘛！（嚟緊想再挑戰啲乜？）專業人員、或者好粗鄙咁去演喜劇，應該都有啲難度。」

劇內感情路非一般，現實生活中Zoie與丈夫卻相當恩愛。問到她最欣賞老公甚麼，她即冧爆表示：「佢好踏實，冇乜花言巧語，同佢相處舒服。佢所有嘢都係以為我好而出發，咁樣已經夠喇！（以前拍拖試過互相猜忌？）細個拍拖會成日猜測對方嘅，但同時會發覺冇咗自己，唔健康又浪費光陰，搞到成個人好攰。當時我同自己講，點都要揀個值得信任嘅人。」

除了讓太太繼續拍戲追夢，Zoie的丈夫更幫手照顧屋企，她說：「我拍完套劇，發現囡囡好黐爸爸，例如陪瞓、半夜餵奶咁，囡囡都一定要爸爸，但我唔會呷醋，老公除咗工作，真係將所有時間花喺囡囡身上。」問到有否打算再追B，Zoie表示兩公婆未有認真討論過：「好多人叫我追多個陪囡囡，我就諗如果係就唔好隔太耐，驚冇耐力再湊小朋友。」

龔嘉欣90秒演4個層次

而除了Zoie演出有驚喜，龔嘉欣於剛過去的兩集演技大爆發，獲網民激讚。她於約一分半鐘的場口轉換4次眼神，發揮出極富層次的內斂式喊功，連監製王偉仁亦讚她的喊戲收放自如兼從不NG，至於Shaun的角色亦逐步「黑化」，Big Boss身份嫌疑指數急升。