社區連結小店支援長者拾荒回收 供休息及停泊手推車 免遭食環清場

【Yahoo 新聞報道】拾荒者總被貼上「窮」、「污糟」等標籤，這些長者為回收工作付出勞力，卻遭社會污名化。有團體舉辦拾荒長者支援服務計劃，讓大眾了解拾荒長者的生活，並連結小店提供支援，如提供私人地方予長者泊低手推車，以免被食環署清場。有拾荒長者指，近年食環署執法嚴苛，曾在未獲通知情況下被署方清走數百元紙皮和發泡膠，「我哋係做緊環保，又唔係搞破壞」。

文字記者：盧珮瑤

攝影記者：H.H

基督教信義會2021年7月開展名為「拾連」的拾荒長者支援服務計劃，至今已透過外展形式，接觸北區、油尖旺及土瓜灣逾200位拾荒者。小店的支援包括提供場地予拾荒者休息及泊低手推車等。大會在本月設「執『紙』之手 – 社區回收月」，打頭陣為拾荒者相片展覽，今（3月1日）於上水咖啡店Let It Be舉行開幕禮。月內將會舉行一系列社區活動，包括社區回收體驗、真人圖書館及共創手推車分享會等。

「我係為環保出一分力」

年屆六旬的梁瑞環（環姐）曾任職屋苑清潔工，「我真係『垃圾婆』嚟」。以往一人每日要清理屋苑30多層的垃圾，加上抹升降機、門身等，塑造她既「捱得」又愛整潔的做事風格。退休後，她散步時發現北區區內有不少棄置膠樽、玻璃樽，「萬一公園啲玻璃樽打爛，公公婆婆行入去踩親都好危險」，遂參與社區回收。她現時每早5時落區收集膠樽、玻璃樽，拿回家清洗後，再送往綠在區區，「無錢㗎，只係好似儲印花咁，回收到咁上下有得換條紙巾」。

即使沒有收入，環姐仍每天在社區擔任無名清潔英雄，「有啲人叫我唔好做啦，要將架車推上推落，直接當垃圾掉咗佢好過；我話我能夠為環保出一分力，我辛苦都係值得」。不過，環姐指去年底起食環執法嚴苛，拾荒者常被指阻街，並會充公手推車和所有貨物，現時她需不斷「走鬼」，「離遠見到食環架車，我就要走」。她飽受壓力，「我哋係做緊環保，又唔係搞破壞，希望食環唔好整走我哋啲車」。

70 多歲的區鳳蘭是工廠女工出身，但隨工廠回歸後北上，轉而投身拾荒行列。現時蘭姐每早6時於葵芳一帶開工，不時工作到晚上。她曾在未獲通知下，被政府充公辛苦拾來、價值數百元的紙皮和發泡膠，「差佬、食環 10 個 8 個一齊嚟，你（政府人員）就萬幾蚊個月啫，我哋無人工，係靠執紙皮」。有街坊向蘭姐撥冷水：「你走去問政府拎錢好過啦，你幾大年紀呀？」蘭姐不滿：「我哋辛苦賺關你咩事？」她促政府寬鬆處理拾荒者，亦希望大眾更尊重她的工作。

理大設計手推車減拾荒者勞損

計劃亦邀請理大賽馬會社會創新設計院為拾荒長者設計專屬手推車，減輕勞損情況。項目顧問、設計師陳嘉興指，新手推車設有車鈴、剎車設計，車身摺疊伸延支架，有助平衡和穩定紙皮，車底亦有滾輪的「流利條」設計，上壆更省力。陳指，拾荒者需時熟習新手推車，現時只少量生產。環姐是其中一位用家，她指舊手推車重19公斤，新車則重36公斤，但設有車鈴可更有效提示途人讓路，「有啲後生仔聽住歌撳電話，會聽唔到我嗌」。

社區攝影師：拾荒是「工作」

相片展覽展出社區攝影師何家豪多幅作品，包括拾荒者常用的手推車。何追蹤拍攝回收者生活期間，獲益良多，「每部手推車都有佢嘅特色，點樣去擺嘢都係學問嚟，我都幾鍾意呢類民間智慧嘅嘢，所以係值得留個記錄」。他強調，拾荒者所做的是一份「工作」而並非「執垃圾」，「人哋覺得係垃圾嘅嘢，喺佢哋（拾荒者）手中就係回收品，佢哋只係做環保回收去搵生計」。