掃物資盡情解放 張沛樂減磅出戰曼谷 搞水着放題

張沛樂對自己的身材十分有自信。
張沛樂對自己的身材十分有自信。

擁有33E上圍的性感女神張沛樂(沙律)將「胸」降泰國拍節目,預告會帶備多套戰衣,並找來營養師協助瘦身,為晒出澎湃身材做足準備!與男團ERROR成員保錡擘面分手的她,期望下段戀情能覓得靈魂上能夠溝通的伴侶。

當年一手打造《3日2夜》的前無綫監製張志明,過檔香港開電視即炮製多個節目,繼《疫境中的餐桌》後,又趁疫情緩和及多地放寬旅客入境,即籌備旅遊節目《重新出發》,將去泰國曼谷、澳洲、韓國、馬來西亞、新加坡、台灣及日本取景,並欽點沙律演出泰國篇、嫁了日本老公的前無綫藝員陳約臨演出日本篇,近年返新加坡發展的張振朗舊愛陳芷尤則重點推介獅城。

將於日內出發去泰國的沙律,昨日獨自採購必需品,不消15分鐘已狂掃防曬、益生菌、防蚊及防疫用品,但大頭蝦的她埋單時發現忘記帶銀包,只好用手機以電子貨幣結帳。她之後去了泳衣店,但似乎沒有心水,緊接去了商場的美食廣場,自備瘦身奶粉及蔬菜湯當午餐。

沙律受訪時透露此行會去曼谷及芭堤雅,預料逗留19天,屆時會吃喝玩樂大解放,泳衣環節當然不能缺少!為了保持弗爆身形,她更特意找來營養師幫助減磅:「之前疫情重咗6、7磅,依家減緊,希望可以去到110磅就最好。(到時泳衣咪可以係噴血款式?)準備咗10套左右,其實我着簡單款式都可以好澎湃!兩年幾冇出埠,對上一次係封關前拍開電視節目去日本,依家再出埠又係拍佢哋,感覺好得意。」

覓新歡最緊要靈魂溝通

與保錡分手多個月,沙律坦言經歷甩拖後更認識自己:「依家會更宏觀個世界,唔會局限自己嘅情緒。其實人唔可以太自我中心,會冇咗愛,負面情緒會出晒嚟,所以想畀多啲愛同正能量其他人。(暫時唔諗感情?)咁樣太限制,亦唔會Set定要揀圈內、圈外嘅異性,咁樣會錯失真正嘅愛情,所以呢方面我係Open嘅,最重要係搵到個靈魂溝通到嘅另一半。」

即將到泰國拍節目,張沛樂揀泳衣又購買防疫、防曬物資。
即將到泰國拍節目,張沛樂揀泳衣又購買防疫、防曬物資。
張沛樂
張沛樂
陳芷尤將拍攝節目的新加坡篇。
陳芷尤將拍攝節目的新加坡篇。