支持影業 片酬唔諗 城城頹到出晒面 學做衰老竇

郭富城要演一個不負責任的父親,惟有要加點幻想。
郭富城要演一個不負責任的父親,惟有要加點幻想。

影帝郭富城再次接受演技挑戰,為演活新片角色,不停說服自己是一個不負責任的父親。他今次為支持影壇新血,直認未有考慮片酬便落實簽約。

郭富城(城城)、鮑起靜及許恩怡(Natalie)等,昨出席新片《無名指》開鏡。城城於片中破格扮演一位壁球手,因要照顧病重女兒Natalie,而放棄運動員生涯,加上妻子失蹤,令他陷入崩潰選擇逃避,直至母親鮑起靜健康日差,他才肩負起照顧家人的責任。

城城角色造型憔悴潦倒,他卻大感滿意,且趁機為早前自拍的殘樣「澄清」:「我研究劇本嘅時候,已經進入咗狀態,估唔到Selfie都唔覺意憔悴咗!嗰晚同自己囡囡一齊,但都會諗起工作同角色。」問到今次是否「減價」開工,他說:「唔止收順啲,直頭同公司講明嘅!大家都知依家電影製作嘅困難,片酬唔諗嘞,佢哋覺得舒服就得。」

母子嗌交擦出火花

至於首次扮演運動員,城城說:「我有打開網球,兩種運動原理似,教練話我學得快。(業界睇好你有機會再次問鼎影帝?)我拍戲係100%投入,做好自己本分,其他嘢唔去諗。」他又指演不負責任的父親,與現實生活反差很大:「要先說服自己,用邏輯同角色人物嘅遭遇。(點睇Natalie?)好好,我哋需要呢種年紀新一代嘅演員。佢今次有好多肢體語言要掌握,好啱呢個角色。」而與鮑起靜這對母子經常有嘈交戲,好有火花。

Natalie對於能與城城合作,覺得很幸運,談到對這位戲中父親的感覺,她說:「坐唔定,郁嚟郁去,不過好友善,成日同我傾偈,又畀佢囡囡啲跳舞片我睇。」談到母親柏安妮有沒有教路,她說:「佢寫咗啲字條貼喺劇本上,叫我瞓好啲,享受個過程。」

許恩怡的角色行動不便,她還特別去了上演技課。
許恩怡的角色行動不便,她還特別去了上演技課。