日本「第一牛郎」頂手老餐廳 親力親為送餐洗廁所

全日本有好多牛郎，但要數排名第一嘅牛郎無人會質疑一定係「貴公子」羅蘭 (ROLAND)。年僅26歲嘅佢年收入高達3億日圓（約2,200萬港元），係日本男公關界嘅傳奇人物，唔少女士都想一親羅蘭「香澤」，不過長期預約爆棚嘅佢當然無咁易約啦！

不過近日機會嚟喇！羅蘭最近接手一間西餐廳，仲親力親為由樓面做到洗廁所㖭！原本呢間名為「Pancontomate」嘅餐廳因為不敵疫情而要倒閉，而身為長期顧客嘅羅蘭得知後決定頂手並希望「將味道傳承下去」。羅蘭唔單止讓全部員工繼續留任，更加請教廚師教導佢煮出原汁原味嘅美食。而唯一改變嘅只係餐廳名，羅蘭將佢最愛電影之一《小姐與流氓》(Lady and the Tramp) 嘅配樂「Bella Notte」作為餐廳名，滿載兒時夢想 ：「我一直都很想開間叫Bella Notte嘅餐廳，這是我其中一個夢想。」貴為一級牛郎嘅羅蘭更加親力親為，無論廚房、樓面傳菜、連洗廁所都自己做埋！唔少食客都慕名而來捧場，希望一睹羅蘭風彩呢！

（圖：coconutsjapan@twitter）

___________________

按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！

___________________

相關文章：

行山路線-昂坪-彌勒山-賞芒草-新手路線-2-小時輕鬆行完

即食麵排名-日本人最愛袋裝即食麵top-5-出前-丁不上榜

飛機「洩洪」天降糞便！英國男花園不幸中招