雅虎香港新聞 日本士多啤梨揀選要點！日本專家教兩大秘技+最佳保存法
單憑肉眼你可以分辦出哪顆士多啤梨又甜又多汁嗎？即睇內文：
日本士多啤梨正值當造季節，人見人愛的日本士多啤梨、近年大熱的韓國士多啤梨，甚至連香港本土也有不少士多啤梨種植場，單憑肉眼你可以分辦出哪顆士多啤梨又甜又多汁嗎？今次日本專家傳授兩大祕技，教你點揀香甜多汁的士多啤梨，更貼心附上士多啤梨保存大法！
👉🏻全新Yahoo Food Instagram上線啦！立即Follow獲取更多飲食攻略
士多啤梨的當造期為冬季，每年12月至明年的3-4月就是士多啤梨成熟時，香港跟日本產的士多啤梨成熟期相若，但日本百年頂級水果名店「千疋屋」買手石部先生竟指出春季出產的士多啤梨比冬季更抵食？原因是春季的士多啤梨同樣當造，但價錢就比冬季的便宜近一半！
石部先生也提出兩大要點，讓大家單憑肉眼就可以挑選出香甜多汁的士多啤梨：
1.揀士多啤梨首要睇蒂部
石部先生指出A士多啤梨因葉蒂較B的翹，原來正正是士多啤梨較多汁的暗號！士多啤梨的葉蒂翹起原來是因為整顆士多啤梨都水份充足且均衡，甚至多到了葉蒂也佈滿水份的象徵！果然主持人試食後紛紛同意，更稱A士多啤梨味道較好也沒有澀口的酸味。
2.揀士多啤梨要揀形狀？
下一個祕技，揀形狀！相信大家選士多啤梨都會挑選又大又紅，形狀「正常」的士多啤梨，殊不知這想法大錯突錯！
畸形士多啤梨在日本業界稱之為「暴走狀態」，原來士多啤梨是由尖端開始變紅變成熟，因此愈多尖端的暴走的畸形士多啤季亦會愈甜，另外因為暴走狀態，士多啤梨的體型較一般士多啤梨大，因為需要更長的時間讓果實成熟，亦是導致較甜的原因之一。
清洗秘訣！清後印乾表面才除葉蒂
達人教路，最佳的士多啤梨進食方法就是原顆吃！但要注意需要在清洗後印乾表面才除去葉蒂，這樣就可以避免把水份倒流入士多啤梨，令到味道變淡！又或者當你有大批士多啤梨時，石部先生建議可以把士多啤梨放入冰格雪凍，再利用刨冰機把冰鎮士多啤梨切片進食！
士多啤梨最佳保存法
水份，是所有水果的天敵，因為會導致果肉腐爛，特別是士多啤梨這類較皮薄的水果，那到底應該怎樣保存呢？石部先生教大家以報紙包好整盒士多啤梨，再放入雪櫃中的蔬果保鮮格，可以令士多啤梨保持乾爽也避免過冷。
全新訂座平台「Yahoo訂餐廳×Openrice」正式上線！
更多其他揀水果貼士：
Top 10 港人最愛中秋水果！一文教齊點揀香印提子/日本桃/蜜瓜
日本水蜜桃當造季節/品種/價錢一覽！果欄揀桃達人：日本桃要多毛墜手
日本香印提子3大選購貼士！一文睇清岡山晴王、長野、山梨價錢/甜度分別
【麻豆文旦】文旦、柚子有乜分別？教你3招揀到冇核甜美多汁靚文旦
【致肥水果】水果果汁糖份高唔健康？營養師教你避開水果減肥陷阱
【今晚食乜好】唔知今晚食乜餸？立即去Yahoo Food 食譜專頁搵靈感
圖片來源：《相葉マナブ》影片截圖
>>按此下載<< 全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！
