雅虎香港新聞 環球趣聞｜日本壽司大廚拆解 日本人根本不會吃的外國壽司
壽司係好多香港人鍾意嘅食品之一，今時今日壽司已經成為日本美食代表名物，世界各地都可以搵到壽司舖。美國作為國際都匯，當然都有大量壽司店，當中好多賣點都係搵日本大廚，聲稱「保證原汁原味」。日前美國媒體就訪問咗當中幾間名店嘅日本廚師，佢哋不約而同話目前國際上出現好多「壽司誤解」，其中包括例如外國人以為日本人經常食壽司，但其實日本人通常只於祭典或特殊活動先會食。
另外「加州捲」的確並非日本壽司，為60年代洛杉磯小東京區一間日本餐廳嘅自創菜式，加入牛油果及蟹肉取代缺貨嘅三文魚，於日本其實係食唔到加州捲嘅。除咗加州捲，日本人亦唔會於捲物上淋上任何醬料，目前好多壽司捲都上淋上例如照燒醬、蛋黃醬等，但日本人食壽司偏向清淡為主，有時連醬油都唔會點，所以對目前呢類充滿各種醬汁嘅捲物都十分費解。另外一點，就係配壽司飲用嘅綠茶，於外國好多日本壽司店配上嘅綠茶都係有糖綠茶，事實上日本人配壽司飲用嘅綠茶一定唔會加糖，而且更加係偏向苦澀，用以清淡嘴入面嘅腥味呢。
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
相關文章：
