環球趣聞|賞櫻季節到 日本東大禁止學生「睇櫻花」惹不滿

相信好耐無去過日本嘅大家都已經於社交媒體上睇到好多日本櫻花滿開嘅圖片,好羨慕好開心好掛念!

不過其實日本目前仍處於肺炎肆虐之下,唔少地方仍有限聚令,日前東京大學就出咗一張通告,禁止學生於校園範圍內賞櫻,不過就惹起好多學生不滿。東京大學擺放好多塊告示板於校園各大櫻花區,上面有禁止符號及一個大大口罩提示大家切勿賞櫻,好多學生就話明白疫情關係唔應該聚集睇櫻花,但矯枉過正到連停低望下都唔得就太過份。

東京大學櫻花盛開,不過校方直接禁止學生「睇櫻花」。
(圖:jpfunstravel@twitter)
東京大學櫻花盛開,不過校方直接禁止學生「睇櫻花」。 (圖:jpfunstravel@twitter)
疫情以前東大櫻花係其中一熱門賞櫻地,但近兩年已經被禁止。
(圖:jpfunstravel@twitter)
疫情以前東大櫻花係其中一熱門賞櫻地,但近兩年已經被禁止。 (圖:jpfunstravel@twitter)

有學生就提出反擊,為免大家「唔小心睇到花」,即日開始銷售眼罩,仲話大家戴上之後就可以安然於校園內行走唔怕觸犯校規。今次事件唔少網民都企喺學生呢邊,覺得校方太官僚,反而學生們非常有創意反擊得恰到好處呢。

學生們就反擊賣眼罩,為免大家「唔小心睇到花」。
(圖:jpfunstravel@twitter)
學生們就反擊賣眼罩,為免大家「唔小心睇到花」。 (圖:jpfunstravel@twitter)

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

相關文章:

俄烏戰爭|良心酒店!俄籍老闆為烏克蘭難民提供免費住宿

環球趣聞|墨西哥前總統專機太奢侈 開放公眾借用私人用途

日本旅遊|港女日本踩入花田影相 網民狂鬧「扮唔識睇漢字?」