是對是錯?美國獵人殺過116種動物 自稱保護人民
打獵一直以來都極具爭議性,好多國家都推廣打獵旅遊嘅同時,亦備受動物保護組織嘅猛打。美國就有一位非常知名嘅女獵人Larysa Switlyk,現年33年歲嘅佢已經到過世界各地打獵,並自稱曾獵殺過116種不同動物,IG更有超過10萬粉絲。Larysa話獵殺嘅好多都係危害當地居民嘅動物,並稱為保衛民眾,近日佢就貼出自己成功獵殺一條4.5米長嘅巨鱷,仲話「將會成為我的新錢包」。
及後當然收到大量批評,唔少網民留言認為佢十分噁心。Larysa當然唔認同,佢話鱷魚王唔單止危害人類安全,亦同時係合法合理。有動物組織就話Larysa獵殺當地鱷魚王,只會間接令其他雄性鱷魚得以坐大,並會對當地人造成更大危機。亦有唔少網民直言Larysa靠槍靠武器殺死手無寸鐵嘅動物,談唔上「勇敢」,除非係赤手空拳同動物搏鬥啦。
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: