暌違二十年 《金手指》偉仔華仔巔峰對決

影帝梁朝偉及劉德華相隔20年再度合作，主演英皇電影《金手指》，絕對萬眾期待。2人昨日出席《2023英皇電影巡禮》時，華仔笑說：「今次偉仔幾大分別，要重新審閱佢，佢多咗分邪氣，大家都成熟（老）咗！」預告片內偉仔被打到眼角爆缸，角色「完全見錢開眼」，成功搶鏡。

2人事後與阿Sa受訪，偉仔形容與華仔再度合作「好愉快同夾」。談到最難忘事情，他說：「我哋每次合作都有啲唔同，今次將正邪掉轉，我個角色由普通受高深教育嘅人，變成喺制度上漏洞去搵錢嘅老千及梟雄。」記者提議下次合作不再「對敵」，變同一陣線，他們齊聲回應：「都好喎！」阿Sa被問到與兩大型男合作，有否被電暈？她笑說：「我盡量唔諗呢啲嘢，佢哋真係好專業，喺佢哋身上學到好多嘢。」華仔稍後將負責監製及主演新片《怒火蔓延》，阿Sa則有份參演霆鋒執導的《新警察故事2》﹕「有日我接到霆鋒電話，話預埋我，但詳情我就未知。」

原來偉仔與華仔私底下甚少聯絡，但偉仔自爆：「華仔會約我食飯，送紅酒畀我。」華仔則指：「要恭喜佢再次攞獎，再送紅酒畀佢。」阿Sa即說：「咁我送白酒囉！」對於好友楊紫瓊勇奪奧斯卡影后，偉仔表示：「我有傳短訊恭喜佢，其實佢每次攞獎都會搵我，試過有次佢打Video call嚟我仲喺床，佢就成班人坐喺度，我要即刻梳理頭髮。」

偉仔揚言對於進軍奧斯卡，會順其自然：「我覺得拍戲好講緣分，唔會特登計劃下一個要做啲乜，會發生嘅嘢佢自然會發生，只係希望能夠同唔同嘅團隊合作，擦出火花。」當再次被問到拍電視劇問題，偉仔說：「本來要開工，但突然想放耐啲假，想放多1年。」