曼谷全城熱捧打卡餐廳 竟然係港式茶餐廳?

近半年雖然無得去旅行,只可以於網上睇下各地網紅去邊度食飯打卡啦。近日有一間曼谷餐廳就因為有人Post咗上網之後,成為網紅名店。呢間餐廳位於曼谷唐人街,名為「龍頭」(Lhong Tou),其裝潢極具特色,靠牆嘅位置分成上下層,要坐上層就要自己行樓梯上去,而全餐廳主要用上木製枱櫈,極有東方特色,原來竟然係一間港式茶餐廳!

店內提供大量港式點心,而除咗雙層座位之外,店內有大量古式古香擺設,只要坐好再影埋去就會影成一張極精美嘅「呃Like」相。不過都有唔少網民笑指,雙層座位設計萬一上層有人倒瀉食物或者飲品,下層顧客就遭殃。亦有人話感覺好似Hostel青年旅館,要爬上爬落好趣怪。大家快啲Bookmark定,疫情之後即刻出發啦!

曼谷網紅餐廳「龍頭」,座位以雙層設計。
曼谷網紅餐廳「龍頭」,座位以雙層設計。
食物方面以港式點心為主,亦有咖啡提供。
食物方面以港式點心為主,亦有咖啡提供。
因為網紅大肆宣傳,成為打卡熱點。
因為網紅大肆宣傳,成為打卡熱點。

相關文章:

全台最大3-5米熊大店長-麥當勞推長堡新品line-pay結帳

美食嘉年華前進台東-全台50家特色餐飲

七夕情人節球脫單-台北霞海城隍廟拜月老步驟公開